Download pdf - Textualscholarship.nl

530 Het Wiesbadense handschrift folio 106vb-107va
356
360
364
368
372
376
380
384
388
392
maer die valsche ypocriten die onder die goede wandelen, die heilighe
woerde spreken ende inden werken niet en bewisen; ende onder goye
worden soe zayen si onghelove. Hier om sijn si versmaet vander heiligher
kerken ende achtergeset, die quade ende niet die goede. Ende al
eest dattie goede ontgelden die quade – want mense nu niet ondersceiden
en can –, haer loon es des te meerdere. God salse ten jonxten da -
ghe scheiden, als hi zal segghen: Comt, ghi ghebenendide, int rike
mijns vaders, | tot den anderen: Gaet, vermalendide, int ewighe vier.
Die goede mensch doet sijn orbaer van al dat hi siet ende hoort. Ende
dat nemet hi op tot sijnder baten, ende begheert versmaet te sine om
gode. Want alleene studeert hi ende pijnt hem om gode te behaghen
ende niet der weerelt, ende dats hem alleene een oersake gode te minnen
ende dien te lovene. Ic rade allen goeden simplen luden te zwi ghen
ende niet vele te spreken van hemelschen zaken, want hem niet toe en
behoert daer af te sprekene. Ende al ist dat si gracie hebben van gode,
die en salmen niet ontdecken voer die ombekende, die heimelicheit die
es tusschen gode ende der zaligher zielen, want sijs niet en verstaen
diere niet na en leven. Die paepscap es bevolen te predickenne der heiligher
scriftueren leere ende anders niet, ende des moetmen volcomelike
gheloven zalmen behouden bliven.
[29] Ic vraghe waer omme dat men den eenen dorper heet ende den ander
edel, ende wi alle van eenen vader comen sijn ende van eender
moeder, dat waren Adam ende Eva.
Ic antwoorde ende zegge dat dat een dorper es, die in dorpeliken sonden
levet ende in quaden zeden, ende hem des niet en scaemt ende onwetende
es, ende hem zelven oeffent in ongherechten levene, sijn si coninghe
ofte graven. Die ghene die sijn alle edel, die heilichliken leven
ende redeliken, ende dan rechtvaerdich sijn in al haren werken haren
evenkersten goede exemplen te gheven ende hem zelven te oeffenen in
doechdeliken werken. Die hovaerdighe heeten den huusman dorper,
die den arbeit voer hem doet, ende si selve volghen al haer ghenoechte
ende na des vleisch begheerte, ende sij willen dan edel zijn. Aey, onwetende,
hovaerdighe menschen, wes verheft ghi u zoe zeere van dier
gheboorten, die nochtan een beghin ende een eynde hevet ghelike allen
anderen menschen? Ende trouwe kennesse ende wijsheit ghebreect
hem. Ende want si hem vander kennesse ofbreeken ende vander wijsheit
die hem | god ghegeven heeft, soe worden si onwijs ghelike den
beesten; want in eens quaets menschen ziele en comt ghene wijsheit
noch kennesse die den zonden onderdanich es. Kenden si hem zelven
– wat si sijn ende wat cranker beghin dat si hadden, ende waer toe dat
V 356 goye: spellingvariant voor goede
107ra
107rb