Download pdf - Textualscholarship.nl

528 Het Wiesbadense handschrift folio 106rb-106vb
280
284
288
292
296
300
304
308
312
316
ende dat ghoeffene in allen doechden. Die een recht kuusch leven leiden
wille, die en zal hem niet vele bewinden metter waerelt. Maer van
vele bewindens soe comt luttel vreets maer vele onrusten. Die hem alte
vele bewinden wille van weerliken zaken, die worden dicke beroeft
van gracien gods ende van harer gheesteliker oeffeninghen. Die een
kuusch leven leiden wil, die en zal niet vele spreken van weerliken zaken
met ghenoechten, want si bevlecken dat kuusche leven. Hi zal ooc
nochterlike leven ende vlien alle gulsicheit. Een ombevlect suver leven
dat en can niement wel volbringhen, hine verwinne hem zelven also
dat hijt lichaem nuchteren houde altoos, het dwinghet alsoe met be -
sceidenre penitencien, dat het den gheest onderdanich sij. Die kuusch
ende reynlijc leven wille, die sal becommeren ende onledich maken
met nutteliken zaken, want ledicheit des vleischs es oersake van allen
zonden. Bij wilen salmen lesen nutliken dingen, ende daer na bi wilen
in ghebede wesen al dicst, ende daer na bi wilen arbeiden in alderhande
zaken daer men gode in dienen mach ende daermen de tijt nuttelike
mede overbringhen mach ende zonder sonde. Alsoe wort di die tijt
cort entie arbeit licht. Hi sal ooc scuwen wandelbaer gheselscap dat
sijn leven mach bevlecken; wantmen wordt metten zalighen zalich,
ende metten quaden wordtmen dicke bevlect. Ende die dit kuusche leven
leiden wil, dien es noot dat hi scamel si boven al; want | een recht
maechdelijc leven met scamelheden ghetempert, daer mede climt die
ziele op boven den engelen ende comt mede ter hoechster bekennessen
ende ghebruict gode alder heimelicst.
[27] Ic vraghe: Waer of comtet datmen vint onder tgheleerde volc –
papen, clerken ende van ordine – sommighe waerlike lude die gheestelijc
willen wesen ende soe luttel smaken ende voelen god in haer ziele?
Ic antwoerde ende zegge: Wat si voelen ende smaken dat es alleene
gode bekent, die alle herten versiet. Ende ic zegge dat in allen stade van
menscheliken levene onse heere vint enighe werke die hem ghenoechlijc
sijn ende smakelic, al eest ons verborghen. Ende ooc ghevoelden si
gode an hare ziele, bekenden sijt waerlic nader gracien van boven,
sommige meer, sommighe min. Ende god werct dagelijcs in allen crea -
tueren, ende zonder hem en machmen niet. Ende waren si verlicht bat
overmits gracie van boven, soe ghevoelden sijt bat. Maer het es tweerande
leven. Marien leven es tleven van contemplacien, dats alleene
met gode te wesene ende te levene ende sijns te ghebruken; ende dat en
mach niement hebben, hine worder toe getoghen overmits zonder-
V 281 vreets: genitivus van vrede
P 303 hs. comtot 304 hs. somminghe
106va