Download pdf - Textualscholarship.nl

248
252
256
260
264
268
272
276
34 Questien van eenen goeden simpelen mensche 527
[21] Ic vraghe weder comt god ter zielen als hise visenteert of comt die
ziele tot gode?
Ic zegghe dat beide mach sijn. God comt ter zielen ente ziele comt tot
gode. God comt ter zielen met siere gracie, die hi ne gheenen mensche
ontseit die daer toe bereet es tontfane; ende zalighe ziele comt tot gode
met eenen *oprechter heiligher begheerten, met eenen brande van gherechter
minnen.
[22] Ic vraghe in welken der zielen oeffeninghe best mach sijn, die
gode minnet.
Ic zegge dat dier zaligher sielen oeffeninghe es te levene nader leerin -
ghe der heiligher scriftueren ende daer in te blivene ter doot toe, want
daer bi leeren si opclimmen in eene hemelsche bescouwinghe van
complacien.
[23] Ic vraghe: Wat is contemplacie?
Ic zegge: Dats een na kennen die menschelike natuer, ende een aensien
waer af wi ghemaect sijn ende wat wij sullen worden, ende dat wi vergaen
moeten als een zomerbloeme ende versmelten als die znee. Dus
wiselijc te merken watmen es ende worden zal, dus comt die mensche
in kennessen sijns selves ende blivet daer bi behoet van sonden. Ende
als de ziele in kennenghen gaet oetmoedelijc ten nedersten, soe comt
die gracie gods ende voertse op in eender hemelscher bescouwinghen.
Al daer leert si kennen wat god es. Ende als sine kennet, soe behelt sine
in eenre begheerliker, liefeliker minnen. Aldus contempleren die hemelsche
dinge entie bi wilen te gebruken, dats contemplacie.
[24] Ic vraghe: Wat es jubilacie?
Anders niet dan eene gheestelike bliscap, die god stortet in die zalighe
ziele, die onsprekelijc es. |
[25] Ic vraghe: Wat maket gheestelike bliscap?
Heilicheit van levene, vriheyt van consiencien, onberespt van zonden,
dit maect dien alder meesten vrede die de mensch hebben mach. Want
die wel levet, die es in rusten ende blide.
[26] Ic vraghe: leven maect die alre meeste heymelicheyt tusschen
gode ende eender zaligher zielen?
Ic segge: Dat doet warachtige minnen ende onbevlecket cuusch leven
106rb
K 250 oprechter: hs. op gherechke der; verbeterd op basis van Schweitzer, nr. 63, r. 5 276 Wat: toevoeging
op basis van Schweitzer, nr. 68, r. 1
V 245 weder: ‘of’ 249 ende: samentrekking van ende de 264 kennenghen (kenninge): ‘innerlijk kennen’
(contemplatie)