Download pdf - Textualscholarship.nl

28
32
36
40
44
48
52
56
60
64
34 Questien van eenen goeden simpelen mensche 521
moghen, want buten hem soe en vintmen gheen warachtighe ruste.
[3] Ic vraghe: Welc es die meeste ruste der goeder consiencien?
Ic zegge dat es wel te levene ende reyne begheerte te hebbene. Die ziele
die des levens niet en ghenoecht, dier eest al een karker ende be -
gheert te stervene ende te wesene met gode ende sijns te ghebruken die
haer tleven gaf. Want wat die ziele mint, dat begheert hi te ghebrukene;
ende si es meer al daer si minnet, dan daer si levet.
[4] Ic vraghe: Mach hem god der zaligher zielen ontien, die in sijnder
minnen gestade es?
Ic zegghe dat god vermach alle dinc, maer dat en betaemt gode niet,
want hi zelve seget: Die mi minnen, die minne ic; ende hem vroe maken
tot mi, die zullen mi vinden. Hine wil hem niet ontyen, hine moeste
minnen die hem minnen. Die gherechte minne die vereynicht gode
metter zielen. Ende alsoe wi ons gheven tot gode, alsoe es tontfanghen
tot gode. Ende wi gheven ons al te gode, soe ontfa wi alle van gode dat
ons zalicheit meeren mach.
[5] Ic vraghe: Mach ons eenich dinc zalich maken dan alleene god? Ic
zegghe: Neent. Want alle salicheit ende alle doecht ende alle die gracie
die ye menschen ontfinghen, die vloyen uut der fonteinen des levens,
dats god zelve.
[6] Ic vraghe: Wat soectmen inden heilighe lof? God alleene es alle zalicheit.
Ic segghe dat die heilighen sijn in die stat der volcomenhede ende wij
sijn noch in dit ellendich ghebreckelijc leven; ende dat wi niene vermoghen
overmits onse onvolcomenhede, dat vermoghen die heylighen
overmits hoer verdienten ende hoer volcomenhede te bidden voer ons.
Ende daer omme roepen | wij an die heylighen ende eerense. Ende
want god wederscijnt in sinen heylighen grotelic, soe eeren wi hem.
Ende soe wiese eert, die eert gode diese ghemaect hevet. Die gode lief
hevet ende eert, die eert ooc ende hevet lief alle sijn heilighen. Men sal
Marien niet noch den heilighen gheven datmen gode sculdich es, dat es
die overste eere entie opperste minne vander zielen. Die overste eere
entie opperste weerdicheit die es men alleene gode sculdich; ende dat
eyscht hi vanden mensche, alst recht es, want hi alleene god es. Ende
naest gode salmen Marien eeren ende alle sine heilighen, want si mo -
ghende sijn met gode ons te helpene in onser noot.
[7] Ic vraghe of eenich dinc goede es dan alleene god.
Ic zegghe: Jaet. Al dat god ghemaect hevet, dat es goet.
Ende es dan de viant goet?
Ic zegghe: Ja hi, in sinen iersten wesen, alsen god makede. Ende god en
104va