Download pdf - Textualscholarship.nl

2180
2184
2188
2192
2196
2200
2204
2208
33 Berijmde dialoog over het schouwende leven 519
Hier make ic mijns boecs i ende,
ende bidt Jhesus, uwen brudegom,
dat hi op desen boom
van minnen moet doen geraken,
dat ic die vrucht daer of mach smaken
ende dat ic na dit corte leven,
daer wi dicke in moeten sneven,
comen moeten mit hem hier boven,
daer en die enghelen sonder swigen loven.
Ic bidde u oec in rechter trouwen,
jonfrou, dat ghi wilt bescouwen
hoe gherne dat ic u goet wesen sage,
ende pijnt u daer omme alle daghe
hoe ghi u moghet naest gode voeghen,
ende en laet u niet genoeghen
eer ghi int hoechste comen sijt.
Ende als ghi coemt in dat delijt
ende u dat so wale is inne,
daer vervullet alle uwe sinne.
Laet u ontfermen eens armen broeder
ende biddet gode ende sire moeder
dat hi hem wil gracie gheven; |
al en mach hi niet gelijc u leven
noch op desen boom comen,
dat hi noch te sinen vromen
u mit aernste volgen moete
int goet dat u dinct daer so soete.
Dat wi nemmer daer of en sceiden,
des onne Jhesus ons selven beiden.
amen
104ra
K 2182 u: noodzakelijke toevoeging. De here hoopt dat hij de vruchten kan plukken van het beklimmen van
de boom door de jonfrouwe.