Download pdf - Textualscholarship.nl

518 Het Wiesbadense handschrift folio 103va-104ra
2144
2148
2152
2156
2160
2164
2168
2172
2176
hoe vele ende hoe menighe stricke
hi pijnde Job, den goeden man,
al had hire nochtan luttel an:
Sathan expuavit uut cribraret
sicut vintum eticum.
Als hi die vloet heeft uutgescopen,
daer na so beghint hi te hopen
dat noch die Jordane sal
doer sine kele lopen al.
Welc is die vloet, welc is die Jordane, |
die hi dus vecht mit scalcheit ane?
Als ict na der waerheit diede,
die vloet dat sijn gemene liede,
die hem doer die minne ons heren
gherne vanden sonden keren.
Maer dit bediet die Jordane:
die hebben wille altoos te stane
in i reyne, odmoedich leven
ende hem selven al gegeven,
of die niet seker en mogen wesen,
die sal dan voer hem genesen.
Daer om doet hi als die vroede,
die altoos staet op sine hoede
ende levet in een ontsien
van dinghen die hem ghescien.
Suldi alle die ongestadicheit,
den anxt van valle enten arbeit
scriven daer die mensche in levet,
ende hoe cleyne vroude hi hevet,
ende hoe lange si gheduert,
ende hoe dicke dat hise besuert,
ende hoe vele men vint ontrouwen,
loesheit, valscheit ende rouwen,
ic wane al wilde ic en conde.
Mi dinket dat mi soude der stonde
ghebreken ende des levens eer,
want leet dat wast so lanc so meer.
Onse leven dat is i ellende.
B 2145/6 Luc. 22:31
103vb
V 2145/6 Satanas expetivit vos ut cribraret sicut triticum 2147 uutgescopen (scheppen): ‘uitgeschept, geput’