Download pdf - Textualscholarship.nl

2024
2028
2032
2036
2040
2044
2048
2052
2056
2060
33 Berijmde dialoog over het schouwende leven 515
Smaken, ruken, horen, sien
ende tasten moeten hem ontien.
Van desen goede ist boven al
die in minnen gebruken sal.
Dat dit si i ware tale,
vinden wi an sinte Pauwels wale,
die zeget dat hi hadde gehoort
als verholentlike woort
dat des niemant en besteet
te spreken, ende dat hine weet
ocht hi was, doe hi sach dit wonder,
mitten lichame of daer sonder.
Of sinte Pauwels niet en can
hier of gespreken, wie sal dan
so hoge boven Pauwels wesen,
dat hi spreken der van desen?
Die vele dan hier callen moghen
ende hem selven willen doghen,
mi dinket dat si dicke lieghen
ende hem selven meest bedrieghen.
Noch sijn si op den boem gheraect,
noch sine hebben der vrucht gesmaect.
Want hebben si der liede lof,
dat niet en is dan i ghestof,
daer mede laten si hem genoeghen
ende van so groten goede ontvoeghen.
Dit suldi scuwen, sidi vroet,
want si leven in onspoet. |
Want hi gelovede si van binnen,
dit goet si sloten mitten zinnen.
So mochten si van hare minnen
troost ende salicheit gewinnen.
Also groot so is dit goet
den ghenen dies gebruken moet,
hi es in sulker vrouden comen,
dat men niet en can genomen.
Si gaet boven allen prijs,
dit is des booms leste rijs.
Men machs gevoelen ende niet spreken,
B 2029/35 cf. Hand. 9:3-9
103rb
V 2052 De betekenis van dit vers is onduidelijk, mogelijk corrupt. 2061 Dit kan de twaalfde tak van de
boem van minnen zijn (cf. 1908).