Download pdf - Textualscholarship.nl

1948
1952
1956
1960
1964
1968
1972
1976
1980
33 Berijmde dialoog over het schouwende leven 513
jonfrou, als ghi aldus sere
wart i gheest mit onsen here.
Dat sal i suete cussen wesen,
jonfrou, als ghi sult in desen
kennen die grote soeticheit
die god den sinen heeft ghereit. |
Ghelike dat i cleet, [JONFROUWE]
als men ververwet, ontfeet
een ander gedane dant hadde eer,
ende en zwaret niet te meer,
also sal die ziele mijn
nie zware maer lichter zijn
als si verwandelt wesen sal
mit minnen in die godheit al,
die hi nochtan den *vremden heelt.
Hier seldi weten hoe hi speelt [HERE]
hier neder inden creaturen,
oec wat hi es in sijnre naturen,
dat i god is in drie personen
entie in enen licht wonen
ende elc heeft sinen persone allene,
maer haer nature is al gemene.
Wie die zone van den vader
wart geboren ende niet spader,
maer even ewich mit hem si,
even machtich ende even vri,
even gerechtich ende even goet,
even scone ende even vroet;
wie voer den andren daer die een
niet en mach van hem tween,
vloeyt die heilige geest gelike,
even weldich ende even rike
mitten zone ende mitten vader;
hoe si werken altegader
dat si doen ende al ghemene;
wie also machtich es daer die ene
als dandre twe, wie mach wesen?
K 1960 hs. vrienden; cf. supra 880
V 1953 ververwet (vervaruwen): ‘anders verft’
102vb