Download pdf - Textualscholarship.nl

512 Het Wiesbadense handschrift folio 102va-102vb
1912
1916
1920
1924
1928
1932
1936
1940
1944
Nu moeti merken, sidi wijs,
seldi hier op comen moghen,
ghi moet u also sere hogen,
dat ghi moet al u manieren
verwandelen ende in u faelieren.
U zinne sellen u faelieren al
als uwes selfs niet bliven en sal.
Uwes selfs moet also gebreken,
noch ghine cont swigen no spreken.
U gebreke sal u doen zwighen
En wonderlike nedernighen
ende bieden u daer ghi na prighet.
Als ghi dat goet gecriget,
sal u doen roepen ende ghine weet wat.
Hi sal sijn uwes herten vat
so vol geheten, dat ghi niet
en sult weten wat u gesciet;
ghi sult vinden also goet
dat al u wesen wandelen moet
in dat wesen dat ghi vint
als ghi gebruket dat ghi mint.
Die enen dropel waters name
ende stercs wijns meer dan i ame,
ende goet den dropel inden wijn,
als si alle dan verwandelt sijn
soude die dropel inden wijn,
dat men die mit gheenre pijn
noch mit gheenre behendicheden
van den wine en mochte scheden.
Ocht als die lucht wort doerronnen
mitten lichte vander zonnen,
dat si wordet dan also claere
oft niet el dan licht en ware;
ofti i yser gloyet heet
al in des viers maniere gheet
dat men daer niet en can gesien
dan vier; also sal u gescien,
V 1908 Bedoeld is de elfde tak van de boem van minnen (cf. 1212, 2182-3). Al vroeg in de tekst is sprake
van rijsen: takken (183, 184, 425), pas in 1212 is van een boom, enen boem van minnen (cf. 1236, 1239).
Het is daarom mogelijk dat de takken uit het begin van het traktaat uit een andere tekst afkomstig zijn.
1930/7 Bekende metafoor voor mystieke eenwording, evenals de twee navolgende metaforen van licht en
ijzer.