Download pdf - Textualscholarship.nl

502 Het Wiesbadense handschrift folio 100va-101ra
1532
1536
1540
1544
1548
1552
1556
1560
1564
1568
Also soude hi die water boeten
ende die bitterheit versoeten.
Dit hout bediet dat cruce ons heren
als ons die scrifturen leren.
Al onse werken sijn ons sachte,
als wijt setten in onse gedachte.
Der riviere mach men drinken,
als wi der pinen gods gedinken.
Si maect die droeve water claer;
si maect al licht dat was zwaer.
Die vierde riviere volget na desen,
dats dat die mensche altoos sel wesen
in i verlangen van hier boven,
wanneer hi sonder commer loven
sal onse here na zijn begheren
– want hier is vele dat ons mach deren –,
wanneer hi sal te sinen vromen
voer onsen here daer boven comen,
wanneer hi sal gebruken moghen
dat hem te vollen sal verhogen,
wanneer hi goet sal ghewinnen
dat herte noch sinne mach kinnen, |
wanneer hi sal die minne kinnen
als hi bekint is van der minnen,
wanneer men bliscap hem sal scincken
die hi mach ongemenget drinken;
want het is hier al ongeminget,
hier en is niet en dwinget.
Die yet goeds van onsen here
ghelovet is, hem verlanget sere
wanneer het hem sal gescien,
dat hijt moge inder waerheit sien.
Als gelove ende hope vergaen
ende minne sal allene staen,
owi, hoe goet salt dan daer sijn!
Die godheit sal schincken daer den wijn,
die de zone der bruut sal schincken;
dat mach men sekerlike drincken.
Men can den wijn niet verteren,
hi vervullet al ons begheren
V 1529 boeten: ‘verbeteren, herstellen’
100vb