Download pdf - Textualscholarship.nl

498 Het Wiesbadense handschrift folio 99vb-100rb
1380
1384
1388
1392
1396
1400
1404
1408
1412
dat sal wesen die misdaet
van den evenkorsten dijn.
Daer om soutu oec droeve sijn
ende wenen sonder onderlaet.
Van desen water so staet
In Jheremias gescreven:
Quis dabit capiti meo aquam
Et oculis meis fontem
lacrimarum et plorabo in te?
God here, wie sal mi gheven
minen hoofde i water ende minen ogen
een borne daer ic mede sal moghen
die verslagen dochter mijn
bewenen? Want si verslaghen sijn.
Hi meende verslagen mitten sonden,
daer die liede waren in gebonden.
Hoe mocht mi oec wel sijn te moede
als ic soude delen mitten goede
dat mijn evenkorsten doet,
ende ic des onberen moet
mit hem recht ten selven stonden,
dat hi vallet inden sonden
ende hi die voer gode kiest.
Ende als ic sie dat hi verliest |
dat goet dat minne maket gemene,
sone ist gheen wonder dat ic wene.
Des wenens was her David vul
doe Jonathas ende oec Saul
vanden vianden waren verslagen;
op Gelboe, den berge, si laghen.
Want dat hadde sonder waen
hem die sonden al gedaen,
daer Saul in hadde ghelegen,
dat hi niet en mochte gesegen.
Saul die hadde lange tijt
op David hat ende nijt,
ende hadde hem gherne dat lijf genomen,
hadde hijs wel mogen toecomen.
Daer om hadde David lichte verdraghen
B 1383/5, 1386/90 Jer. 9:1(8:23) 1403/6 cf. 2 Sam. 1:17-27
V 1385 ...et plorabo die et nocte
100ra