Download pdf - Textualscholarship.nl

1108
1112
1116
1120
1124
1128
1132
1136
1140
1144
33 Berijmde dialoog over het schouwende leven 491
hi volstaet tot in die doot.
Dese is geslagen ende gewont,
Nu en *wertsi nemmer gesont,
ten si dat hise doe genesen.
Daer si om is comen in dit wesen
ende si den mantel hevet verloren,
des en heeft si ghenen toren,
want si sonder twivel es,
wael seker ende gewes,
heeft si geluc ende goet geval,
dat hise noch cleden sal
mit hem selven ondersneden.
Want hi es van sulken seden,
hine laet onvergouden niet
dat men doer hem doget verdriet.
Maer, jonfrou, siet nu dat, [HERE]
welc sijn die wachtren, welc is die stat,
welc die slagen, welc die wonden,
welc die mantel, daer ghi ghewonden
mede waert, die si u namen
die wachtre doe si aen u quamen?
Die mi sloeghen ende wonden [BRUID/JONFROUWE]
doe si mi talre eerst vonden,
dat is, seit elc predicare,
– die mi mit sire lere onmare
maecte mijn leven des ic plach,
daer ic in mit genoechten lach –
dat was leider mijn oude leven,
des ic mi gherne soude begeven
ende i beter mi bewinden,
conde ict mit haren rade vinden.
Doe si mi brochte in mijn herte
van minen sonden ene smerte,
dat waren die slagen die si mi gaven.
Maer doe si ghingen vorwaert graven
ende doden in mi vanden sonden
quade begherten, dat waren die wonden,
die mi so zijn int herte bleven,
V 1107 crijch: ‘inspanning, hardnekkigheid’ 1119 ondersneden: wordt gezegd van de combinatie van
twee verschillende kleuren of stoffen. 1132/3 onmare maecte: ‘afschuw opwekte’