Download pdf - Textualscholarship.nl

1032
1036
1040
1044
1048
1052
1056
1060
1064
1068
33 Berijmde dialoog over het schouwende leven 489
maer volget den genen die u liet.
En waerheit, here, ghi segt mi, [MARIA MAGDALENA/JONFROUWE]
dat ic verwoet of droncken si.
Maer moet ic hier om dronken sijn,
dat hevet gedaen der minnen wijn,
die mi also soete dochte
dat ic anders niet en rochte
dan dus om hem verwoet te sine,
mocht icken gewinnen met sulker pine.
Ic bin des drancs also vol,
ic moet van minnen bliven dol
en gewinne dat ic soeke.
Ghi segt oec dat ic niet en roeke
der engelen die beide leven,
ende hebt mi dien opghegeven,
dien ic sach mit minen oghen
dien jamerliken doot gedogen.
Des gelijc wat mijns gesciet,
der engelen troost en acht ic niet,
want ic soeke der engelen here;
dat is mijn troost, mijn raet, mijn ere. |
Sine sueticheit dede mi genesen,
bi sijnre doot bin ic verresen.
Dat hi doer minen wille starf
ende mi sijns vader hude verwarf,
die onse vader hadde verwracht
ende hadde ons inden toren bracht,
dat ware alte grote onmate,
dat ic des enighen tijt vergate.
Daer om sijt seker, mi en staet
niet te volghen uwen raet,
want inder waerheit dinket mi
dat u wijsheit doerheit si,
die raet dat ict begheve
sonder wien ic niet en leve.
Ic gheve u enen betren raet.
Sidi so wijs dat ghijt verstaet,
so willet volgen mijnre lere,
so soeket mit mi minen here.
Eist dat wine vinden moghen,
V 1054 hude (hoede): ‘hoede, bescherming’ 1055 verwracht (verwerken): ‘verbeurd, verloren’
98rb