Download pdf - Textualscholarship.nl

488 Het Wiesbadense handschrift folio 97vb-98rb
996
1000
1004
1008
1012
1016
1020
1024
1028
ende ghi blivet staen allene.
In waerheit, *ic ontsie* en ghene
pine noch en ghenen toren
sint dat ic minen lieven here hebbe verloren.
Waer om so wondert u so sere?
Daer ghi groeves minen here,
doe groeve ic mit hem minen sin,
des en bleef mi meer noch min. |
Ende of ic beter niet en kinne,
so moet ic spreken buten sinne.
Dat mi doe bleef inden moet,
dat dinket mi noch also goet.
Hadde ic hem, ic hadde genoech
en sochte anders geen gevoech.
Mi dinket mine mocht niet gebreken,
ende dan mocht ic mit zinne spreken.
Mi dinket ghi sijt worden dronken.
Hoe sidi dus in hem gesonken?
Ghi sageten voer uwen ogen sterven
ende alte jamerliken bederven,
ende soeket enen doden man.
Wat troost legheter u an?
Laet u genoegen mit dien die leven,
die wel troost moghen geven.
Desen die ghi dus sere soect,
ic wane hi uwes niet sere en roect.
Want rocht hi uwes ende levede hi,
hi stonde u bet mit trooste bi.
Waer dat hi uwes yet achte,
hine liet u nemmer dus u crachte
verteren mit lede ende mit rouwen.
Dadi minen raet mit trouwen,
ghi sout u aen die levende houden.
Hoe dorsti u dus verbouden?
Ghi hebt voer enen doden man
twe levende engele ende nochtan
en laeti u genoegen niet,
B 1027/8 cf. Joh. 20:12
K 994 hs. int ontsien. Bedoeld is ‘ik vrees’. 1110 hs. werdi
P 999 minen: hs. nine met nasaalstreep boven de e; d.w.z. er ontbreekt één pootje.
98ra