Download pdf - Textualscholarship.nl

482 Het Wiesbadense handschrift folio 96vb-97ra
772
776
780
784
788
792
796
800
804
808
dan uwer suster, dat ghi begheert.
Mi dinct, ghine weet niet wat u deert.
Ver Lia, al waren haer oghen zeer,
si droech nochtan der kinder meer
dan Rachel, die men sere minde;
die starf van haren andren kinde.
Maria plach haers selves allene,
maer Martha was altoos ghemene
in werken van ontfermicheit,
daer menige grote vrucht in leit.
Diere hem te rechte in bewinden,
hi macher menich troost in vinden.
Ay, here, wat helpen dese woort [JONFROUWE]
als ic van u nu hebbe gehoort?
Wat helpt dat ghi mi sere priset
ende leert ende daer toe wiset
dat leven dat ic wale kinne
ende daer ic lange gewoent hebbe inne?
Ic weet wel, het is algader goet
dat men goede werken doet,
maer in die werken van der minnen
mach men meerre genoechte winnen.
Daer om, wat mijns gesciet,
wat men seget en helpt niet,
ic en moet mitter suster mijn
deser vroechden seker zijn.
*Si hevet i seker, blide leven,
si heeft haer scape opt droge gedreven,
ende ic legge arme in een vat |
ende en worde nemmer vroechden sat.
Die mi niet en wille scaden,
hi en sal mi oec niet wederraden.
Ic en sal daer liever om gheven
hert, sin, lijf ende leven
of ic sal in i sueten smaken
mitter suster mijn geraken,
daer ic mede gegruetet was,
doen ic den brief al over las.
B 774 cf. Gen. 29:17
K 798 hs. Hi
97ra