Download pdf - Textualscholarship.nl

732
736
740
744
748
752
756
760
764
768
33 Berijmde dialoog over het schouwende leven 481
Wes mochti u dan so sere verweren?
Wat mach u dan ant soeken deren?
En hadt ver Maerte heren Jhesuse
niet ontfaen in haren huse,
Maria en hat niet moeten
daer gheseten te sinen voeten.
Int huus, daer Martha gods plach,
daer vant Maria hoer gelach.
En wane oec niet dat Martha vaste
doe si was niet so milde gaste.
Diet al gelt dat men verteert,
soude hi laten sinen weert
vasten of sine vriendinne?
Want ict begripen mitten zinne
niet en can, so dinke mi,
dattet oec niet waer en si.
Al doet hi vrienden meest gevoech,
hi ghevet nochtan den andren genoech.
Al hadde Maria dat beter deel, |
voer Martha werds doch i morseel.
Hier an proeve ic doch vor waer,
dat Jhesus selve is daer
daer imen pleghet sire vrient,
dien ghi dicken hebt gedient
daer u suster sat al stille
ende mit Jhesus hadde haren wille.
Ic wane oec dat sulke stont
wart u een deel der vroechden cont,
dier u suster hadde genoech,
al en wast niet al na u gevoech.
Daer om woude ic dat ghi daet wale
ende ghi u liet wesen gene quale,
dat uwer suster goet gesciet.
Haer wesen en benidet niet
maer oefent u in goeden saken,
dat sal u vroechden int herte maken.
Want het waer u lief dat ghi
mochtet wesen alse si.
Nochtan dinket mi dat u leven
vele meer vrucht sal gheven
96vb
V 736 Maria en had niet moeten: ‘Maria had niet mogen/kunnen’ 737 gheseten (gesitten): ‘zitten, zich
neerzetten’