Download pdf - Textualscholarship.nl

474 Het Wiesbadense handschrift folio 95rb-95va
464
468
472
476
480
484
488
492
496
500
oftuse doet van rechter minnen.
So salture cleyne ter zielen an winnen,
doestuse niet van rechter minnen.
Nochtan moetstu, als ic eer seide,
doen al dijn werke mit ondersceide,
dattu den besten meest moets minnen
ende dattu vor waer moghest kinnen
daer men hout dat beste leven;
daer soutu meest dijns goets gheven.
Hier an gaen nochtan te voren
daer du van biste geboren.
Vader ende moeder wes te hare noot
ghelike andren lieden groot,
die nochtan vele beter waren.
Ende souts emmer deen onbaren,
so soutstu helpen sonder waen
dien di alre naest bestaen.
Alstu di wale in desen dinghen
oefens gherne ende sonder dwinghen,
so wort di licht aldus dat leven;
die knechtelike vrese is dan verdreven,
maer di wast int herte binnen
i heilige vrese die comet van minnen.
Die vrese die sal altoos gedueren.
Dat vinden wi inder scrifturen:
Timor domini sanctus per manet
in seculum seculi.
Die heilige vrese die moet emmer staen;
die en moet der zielen niet ontgaen,
so dat die mensche sere mint,
so hi die vrese meer gewint.
Die mint, die vreset al den dach
dat hi zijn lief verbelgen mach,
ende alset hem is van den oghen,
hi vreset wanneer hijt sien sal moghen.
Ende oec en vreset hi anders niet
dan hi sijns liefs toren ontsiet. |
So pijnt hi hem alle daghe
waer mede hi hem alre best behage.
B 489/90, 491 Ps. 18(19):10
V 489/90 timor Domini sanctus, permanens in saeculum saeculi
95va