Download pdf - Textualscholarship.nl

472 Het Wiesbadense handschrift folio 94vb-95rb
392
396
400
404
408
412
416
420
424
Dien viant sullen wi sere ontsien,
die wi niet en connen ontvlien
ende die al onse crancheit weet;
hi hevet ons sciere bracht int leet.
Wine houden altoos also cranc,
dat hi ons sonder onsen danc
niet en bringe in enighe misdaet.
Daer toe is vaste die beste raet
dat vasten daer toe goet sal zijn;
dat seit ons sinte Augustijn: |
Carnem vestram domate ieiuniis
et abstinentu esse et potus, quantum
valitudo permittit.
U vleysch, seit hi, dat seldi dwinghen
na dat u cracht mach volbringen
mit vasten van spisen ende van dranke,
maer dat u te sere niet en cranke.
Want alle onse werke sullen wesen
mit reden wale onderlesen,
als ons sinte Pauwels wiset,
die redelike werken priset:
Racionabile obsequium vestrum.
In dienste houdet mate
ende reden, dats der zielen bate.
Van desen seghet ons i goet woort
die heilige man, sinte Bernaerd vort:
Besceidenheit en is niet allene
een doghet maer alre doget gemene
roeder ende stierman,
die best den mensche bescermen can.
Aldus dan segic dat men moet
den lichame houden onder voet,
dat hi ons niet en bringe weder
in becoringhe vanden zonden neder.
Aelmoesen dat is oec i rijs,
dat meret der beteringe prijs.
B 412, 413/4 Rom. 12:1
V 401/3, 404/7 Augustinus, Regula ad servos dei, PL 32, kol. 1379, cap. 4: Carnem vestram domate ieiuniis
et abstinentia escae et potus, quantum valetudo permittit 409 onderlesen: volt. deelw. van onderlesen:
‘onderzocht’
95ra