Download pdf - Textualscholarship.nl

280
284
288
292
296
300
304
308
312
316
33 Berijmde dialoog over het schouwende leven 469
Also sal gheen orsake
vanden sonden in di bliven;
du salte mit ganser biechten verdriven.
Waer oec, dat di niet en mochte
dijn pape berechten als di dochte,
so moetstu soeken enen man
die di wale berechten can,
ende dien dat bevolen si
dat hi macht hebbe boven di;
dattu moghes van dinen sonden
mit sijnre macht worden ontbonden.
Dien saltu seggen al dijn leven
ende u in sinen rade gheven
ende doen algader sinen raet
ende moet weten hoet mitti staet.
Daer om saltu al dijn gebreke
hem sonder enich helen spreke.
Maer daer du biechte of heves gedaen
ende rechte boete ontfaen,
ende blives volcomelike in dien
dattu des niet meer en wils plien,
din enighe dinc die di gesciet,
dat en dorstu verseggen niet.
En waer oftu niet en hatste gedaen |
die boete die du hadste ontfaen
– hevestu verroekeloost of vergheten –
so moet dijn biechter echter weten
dine sonden alte male,
sal hi di berechten wale,
oft ghesciede dattu weder
valles inden sonden neder.
So ist seker dat men sal
die sonden vergheten al;
anders heeft god vergheven.
Die daer na horen sal dijn leven,
hem en dorstu niet laten weten
des selve god hevet vergheten,
en si dattuut hem wilste conden
op dat hi worde te meer gebonden
voer di te bidden, als hijt weet
94va
V 297 plien (of plegen): ‘doen’ 299 verseggen: ‘uiteenzetten’; met ver- als versterking 300 En waer
oftu: ‘indien het zo was dat u’ 311 daer na: ‘vervolgens’