Download pdf - Textualscholarship.nl

136
140
144
148
152
156
160
164
33 Berijmde dialoog over het schouwende leven 465
mi dinct, als ic best can geraken,
dat dese drie den rouwe vol maken.
Rouwe is dan dalre eerste graet,
die uter eerster vresen gaet.
Als dese rouwe int herte is comen,
so is die knechtelike vrese benomen.
Want als dan die mensche siet
dat hem so vele goets gesciet
om enen gansen rouwe allene,
datten god maket ghemene
met algader sine vrienden
die hem ye mit trouwen dienden,
so wort hi willich sonder dwinghen
ende wil den wille te werke bringhen.
Dan coemt hi op den andren graet
die na desen grade staet.
Dat is dat alle sijn gebreke
mit ere gherechter biechte spreke. |
Maer sal die biechte gewarich wesen,
drie punten moet men daer oec lesen,
sonder die so nes niet geraket
ne ghene biechte noch volmaket.
Die herte wart oec ende die werken
sal men in rechter biechten merken.
Bin ic droeve altoos int herte
ende heb ic daer om smerte
dat ic gode hebbe verwracht,
e clage ic dat dach ende nach
ende spreke in des propheten wise:
Mine tranen dat is mine spise.
Fuerunt in lacrime me
penes die ac nocte.
Ic sal om mine sonden dinken,
mit wenen menghen mijn drinken.
B 162, 163/4 Ps. 41(42):4 165, 167 Ps. 36(37):19 166, 168 Ps. 101(102):10
K 149 hi: een onderwerp ontbreekt in deze zin. 160 ende: hs. heeft alleen E.
93vb
V 155 Die herte wart: betekenis onduidelijk, regel mogelijk corrupt. 159 gode ... verwracht: ‘voor god
heb verborgen’; cf. MNW verwrachten 163/4 Fuerunt mihi lacrimae meae panes die ac nocte
P 155 ende: afkorting en met bovengeplaatst horizontaal streepje gecorrigeerd uit in.