Download pdf - Textualscholarship.nl

60
64
68
72
76
80
84
88
92
96
33 Berijmde dialoog over het schouwende leven 463
In deser wijs, wat dat men vint
vrouden, dat en sal niet en twint
den mensche benemen sine sericheit;
sine sellen hem wesen emmer gereit.
Si sal hem altoos zijn voer oghen,
nochtan sal hise mit vrouden doghen.
Ic wane der vrouden niet en gebrac
Ezechias die wilen sprac:
Recogitabo tibi omnes annos
meos in amaritudine anime mee.
Ic sal mit bitterhede mijns herten
ofte oec in mire zielen smerten
al om peinsen al mine jare
ende makense voer dijn oghen bare.
Dat eerste dat is bitterheit,
dat uten waerigen rouwe gheit.
Dat ander volghet hier na,
als ic mi best hier an versta,
dat is dat men die sonden al
versmaden ende onweert hebben sal.
Want si den mensche openbare
maket voer onsen here onmare.
Dat seghet ons die prophete wale:
Mensche, besie inden dale
dine weghe die du heves ghegaen.
Vide vias tuas in convollo;
sito quod feceris.
Du heves ghegaen in dinen weghen
als die in sonden heves gelegen.
Daer hevestu di in verteert;
daer bistu worden al tonweert.
So du dine weghe meer heves getorden,
so du onwaerder bist gheworden;
wil dan die mensche zijn weghe laten,
so moet hi die sonden haten.
David spreect tot onsen here:
Here, du heves gehatet sere
alle die naden sonden werven;
den loghenaer saltu verderven.
B 68/9, 70/1 Jes. 38:15 83/4, 85/6 Jer. 2:23 96/8, 99/101 Ps. 5:7
V 85/6 vide vias tuas in convalle, scito quid feceris 89 verteert (verteren): ‘in het verderf gestort’