Download pdf - Textualscholarship.nl

454 Het Wiesbadense handschrift folio 91rb-91va
240
244
248
252
256
260
264
268
272
276
die si van smetten wel hilt behoet.
Daer om wildem god ons heere
gheeselen laten ende tormenten seere
ende met sinen bloede die ghevane
lossen, so dat haer god sende ane
Gabriele, sinen enghel goet,
die voer haer knielde opten voet
ende sprac ootmoedelike daer na:
God gruetu, helighe Maria.
god wille van di sijn gheboren
om te quitene die sijn verloren.
Die helighe gheest es metti.
Doen sprac aldus die maghet vri:
Ic en hebbe gheenen man ghemint,
hoe mochtic dan ghedraghen kint?
Doen sprac dinghel: Vercoerne maghet,
nu sijt blide ende onversaghet,
bloeme ende spieghel boven alle wiven,
gods moeder ende maghet suldi bliven
ondancs Lucifers ende sijnre partien.
Doen andwoorde die maghet vrie,
also ons die scrifture leeren:
Siet hier die dierne gods ons heeren;
na dinen woorde mi ghescien.
Den helighen gheest ontfinc si mettien,
die met ghenoechten ruste in hare.
Op desen staf mach elc sondare
wel rusten als hijs hevet ghere,
want si *en begheeften* nemermeere.
Te onsen dienste blivet si ghereet
als wi haer claghen onse leet.
Si bidt voor ons onsen heere.
Lieve [ghi] meesters, ic bidde u seere,
dat ghi dese drie stave wilt ontfaen
ende so diepe in u herte laten gaen,
dat ghire op al sonder zorghen
vandes avonds tote morghen
rusten *moghet ende wi met u.
K 268 hs. ne verheft haer; emendatie op grond van H 277 moghet: hs. moghen
91rb
P 240 wel hilt behoet: verbeterd uit welt behoet: de t van welt is veranderd in een h waarna ilt er in kleine
letters is tussen gekrabbeld.