Download pdf - Textualscholarship.nl

200
204
208
212
216
220
224
228
232
236
28 Den lof van Maria ghemaect op drie staven 453
Op desen staf die ic u tone,
so moet di rusten sonder sorghen
vandes avonds tote morghen.
Ende alle daghe ende alle tijt
moettire mede sijn bevrijt.
Dies onne ons Jhesus, die melde,
ende brenghe ons in siere ghewelde
ende al onse vrienden mede hier na.
Nu spreke wi Ave Maria.
Den derden staf willic beghinnen
in deere der waerder coninghinnen,
der moeder gods vanden trone.
Biden derden stave, alsic u tone,
betekent haer ootmoedicheit,
die Lucifere was onghereit
ende altemale sine ghesellen,
die met hem vielen inder hellen
ende inder eerden ende inder lucht,
die den mensche doen menighe vrucht;
die hemele en mochtse niet ghedraghen,
die hovarde, als wi ghewaghen.
Al draechtse die werelt te hare onneere
des si, duchtic, gheplaecht wort seere,
dies en hadde Maria gheenen noot,
want si was in ootmoeden so groot,
dat god ane haer senden dede
bi rade der drievoldichede
sine minne ende sijn saluut
ende wilde breken den hemelschen tribuut,
die onse ouders ontgouden zware,
namelike om die minne van hare.
Want haer grote volmaecthede
gods verbolghentheit soeten dede,
die hi op ons droech lude ende stille
om Adaems ende ver Yeven wille,
dat alle die werelt niet betren en mochte
sonder dese maghet soete ende sochte,
daer hi an marcte so vele ponturen
ende al contrarie der naturen,
dats edelheit, reinicheit ende ootmoet, |
V 218 doen ... vrucht: ‘angst aanjagen’ 237 ponturen (poenture): ‘deugden’