Download pdf - Textualscholarship.nl

450 Het Wiesbadense handschrift folio 90rb-90vb
84
88
92
96
100
104
108
112
116
120
die in Dietsche brachte die scrifture,
dat hem boven mate wert te sure,
daer hi ons aen dede grote vrame.
Hi seide dat Marien lichame
in ootmoeden was al so groot
eer si op eerdrike leet die doot,
ende daer toe in dogeden so clare,
dat onghereet te vertellene ware
den propheten ende den astronomiene,
die nochtan weten van gods ghesciene.
Ja, sprac hi, verstaet mi mee,
dat alle die vissche vander zee
elc met eenre tonghe conde spreken,
ende alle die worme die doorbreken
die eerde mids der naturen cracht |
ende daer in leven dach ende nacht,
ende daer toe ooc alle die beesten
diemen hier vint ende in foreesten,
ende al dat coren ende al dat saet
dat wast of ie wies, dat verstaet,
ende noch wassen sal hier nare,
ende elc besonder een tonghe ware,
ende alle die voghelen, verstaet dit mede,
ende al haer vedren, hoort die waerhede,
waren versceeden in also vele sticken
alsmen met redenen conde ghemicken,
ende datse god daer toe hadde vercoren
datsi spraken, alsic seide te voren,
ende daer toe mede, wilt mi versinnen,
alle sancten ende sanctinnen,
enghele, apostolen ende confessoren,
ende alle die onder gode behoren,
martelaren ende magheden pure,
ende al dat ie moeder wert te sure
ende noch hier na worden sal,
ende elc woort datmen daer binnen spreken sal,
ende elc een tonghe waer, wilt dit versinnen,
ende uwe twee tonghen ooc daer binnen,
die van wijsheden spreken connen,
ende hem god dies wilde gheonnen,
dat elc tonghe also wijs ware
V 83 vrame: ‘nut, voordeel’ (zelfde betekenis als vrome) 106 ghemicken: ‘te weten komen’
90va