Download pdf - Textualscholarship.nl

44
48
52
56
60
64
68
72
76
80
28 Den lof van Maria ghemaect op drie staven 449
sonderlinghe met tonghe spraken,
ende elc tonghe waer also wijs
als enich meester es te Parijs,
ja, tusschen hier ende der Dunouwen,
so ne mochten si onser liever vrouwen
niet vol dancken no vol loven,
haer ghenaden en gaen altoos boven. |
Nu spreken wi vriendelike ter eeren
Ave Maria, der moeder ons heeren.
Nu hoort hier die waerheide,
wat meester Heynric Formator seide.
Hi sprac aldus, die wise man:
Ic prise Maria alsic best can,
want si es eene reine suver joghet
ende so overgroot inder doghet,
dat al dat water vander zee
ende van rivieren, dats noch mee,
elc dropel een tonghe ware,
ende alle dat sant, verstant dit clare,
dat alle die werelt hevet in,
ware ghetelt meer no min,
ende daer toe, dats te wonderen mee,
[ende] al die haghel ende al die snee
die vielen vander werelt beghinne
ende sal doen, alsoe ict kinne,
tote god die werelt doemen zel,
ende elc van desen hadde gheval
dat elc met eenre tonghe sprake
ende wel voersien ware van sulker zake
ende also wijs ende also besceiden hier
als enich meester es in Monpelgier
ofte Parijs, in die soete stede,
sone souden si alle met hare wijshede
Maria niet connen vol loven,
haer ghenade en gaen altoos boven.
Nu wille wi alle spreken hier na
haer teeren Ave Maria.
Nu hoort wat Jacob van Merlant sprac,
een hooch clerc sonder lac,
V 45 Dunouwen: Donau 72 Monpelgier: Montpellier 80 sonder lac: ‘onberispelijk’; MNW lac
90rb