Download pdf - Textualscholarship.nl

446 Het Wiesbadense handschrift folio 89rb-90ra
2880
2884
2888
2892
2896
2900
2904
2908
2912
daer niet en sal sijn die voorbodinghe der propheten noch die predekinghe
der eeuwen, die nu bedect sijn alse in eenre lanternen, want dan
alle belovenissen sullen bekent worden vervult inden aensichte gods.
Ende die enghel seide mi.
Ghi sult merken dat hier dicke sinte Jan prophete gheheten es vanden
enghel ende dit boec een prophetie, want het vele eendrachtichede
heeft metten propheten beide inden sinne ende woorde, als men vinden
mach in Ysaiam ende Zakariam ende anders den propheten.
Ende teekent niet die woorde etc. Nakende den toecomende oordeele,
so be|hoort te wordene gheopenbaert die *godlike ghebode, ordeele
ende beloffenisse, in welker volbringhenghe die sachtmoedighe
vercrighen hare lone, ende dat die onghehoorsamighe ingaen in die
pine haerre verswimenisse.
In welken hi hier bewijst die verborghen oordeele gods, maer gherechte,
in welken die quade menschen werden ghehenct voort te gane
in haerre pine, dat es te studerene toter overster scalcheit, op dat et
gherechte oordeel tehant comen mach. Den welken es: Of maect den
boom goet ende sine vruchte goet, of maect die vruchte quaet.
Ic ben alpha et o, die eerste ende die leste, dat beghin ende dat
eynde. Dat es te segghene, in ‘alpha’ die godheit des woorts, in ‘o’ die
aenghenomen mensceit, beghin ende sonder einde. Welker dicker hi
hier in roert dore die godheit ende mensceit eens Cristi, of dat alle die
drievuldicheit worden betekent te sine een nature ende onversceiden.
Salich sijn si die hare stolen dwaen inden bloede des lams. Hi
beloeft een waerdich loon den blickenden stolen, dat es des onbevlecten
levens, also dat si sullen werden ghevoet van den aenghesichte des
heeren, die dat ewighe leven es. Want salich sijn die suvere van herten,
want si gode sullen *sien.
Ende dore die poorte sullen si ingaen inder stat. Die de ghebode
gods houden, seggende: Ic ben die dore, so wie door mi ingaet, die
sal behouden bliven, ende hi sal ingaen ende uutgaen ende sal weide
vinden. Dese weiden die hier beloeft sijn, des hout des levens; maer so
wie anders hem pijnt op te climmene, die es i dief ende mordenare.
B 2896/7 Mat. 12:33 2906/7 Mat. 5:8 2909/10 Joh. 10:9 2912 Joh. 10:1
22:6
22:9
22:10
89va
22:11
22:13
22:14
K 2889 godlike: hs. ghelike, een verschrijving voor godlike; cf. Gryson, 569, r. 29: divina praecepta 2907
sien: hs. sijn; cf. Gryson, 571, r. 49: videbunt
V 2883 Dit is een lemma waar de vertaler geen commentaar bij levert. 2884 Nieuw commentaardeel bij
Apok. 22:9: Conservus tuus sum et fratrum tuorum prophetarum (‘Ik ben slechts een dienstknecht zoals
u en uw broeders, de profeten’) 2893 Nieuw commentaardeel bij Apok. 22:11: Qui nocet noceat adhuc,
et qui in sordibus est sordescat adhuc (‘Laat de zondaar nog meer zondigen en de onreine zich nog
meer verontreinigen’) 2894 ghehenct (gehengen): ‘gedoogt, staat toe’