Download pdf - Textualscholarship.nl

2708
2712
2716
2720
2724
2728
2732
2736
2740
26 Beda, Expositio Apocalypseos 441
ghelike der witter rose ende sine puerheit *is scamel, ende es alder ghelijcst
van grootten ende van verwen den steene crisopassus. Want waneer
hi vanden glanstren der sonnen wort gheslaghen, so licht hi sonderlinghe
seere als een lampte ende bovengaet allen dierbaren steenen
claerheden alder gimmen; ende eest datmen laet bliven in sijnre ei ghen -
re naturen, so uutglanstert hi inden wederschine der sonnen, ende
bringt voort dien oghen | dien aensien die alder ghenuechlicste lustelicheit,
maer alsmen hem gravet of polijst so wort hi duuster. Dese steen
es den coningen wonderlike, also dat si gheene rijchede die si besitten
hem en gheliken. Bi welcx minnentliken steens nature es ghelijc die
ghedaente des alre waerdichste bescouwende levene. Want dat leven
ghebruken die helige coninghe, welker herte es altoos inder hant gods,
bovengaende in allen goede werken ende allen rijcheden ende inden
gimmen alre dogeden, in gode altoos haerre pure herten insien ende
scarpheit oprechtende, ende so si stadeliker worden beruert vander
glanster der godliker ghenaden, so si meer in haren ghemoede bernliker
behelsen die soeticheit des ewighen levens. Ende dese helighe menschen
sijn goutvaer overmids der inwendigher vlammen der minnen,
ende hemelclaer vander godliker soeticheit te bescouwene. Die welke
vanden storme der jeghenwoordigher werelt ghelike alse die steene
vanden polijstene worden verdustert. Want niet lichtelike en[de] mach
dat ghemoede in eenen eenperliken blicke met vreedsamen state des
herten met ghenoechten aenscouwen die hemelsce vroude, ende ommegaen
met sorghen, arbeide ende serichede deser werelt, si en roepen
dicwile al suchtende: Mijn oghe dat es bedroeft, ende ic ben verout onder
mine viande. Ende also als inden achteden steen es betekent die
volcomenheit des wereltliken levens, so es hier inden neghenden steene
betekent dat leven der bescouwender soeticheit, welc leven na -
volcht den enghelen die in ix chore bescreven sijn.
Die tiende crisopassus. Ende es groene ende gemengt goutvaer ende
heeft enen purperenghen schijn, ondercomende met guldenen dropelen,
| ende men vintene in Indien. Ende beteekent die ghone die overmids
volcomene uutblickinghe der minnen sijn verdienende die groenicheit
der eewigher erfenissen, welc erve si ooc cont maken haren
evenmensche inden purperighen lichte haerre martelien. Want in dien
dat si dit jeghenwordighe leven versmaden, so verdraghen si die ewi -
B 2719 cf. Spreuk. 21:1 2732/3 Ps. 6:8
K 2708 hs. in
87vb
V 2743 verdraghen: foutieve, ‘letterlijke’ vertaling van praeferunt (Gryson, 551, r. 296). Bedoeld is ‘verkiezen’.
88ra