Download pdf - Textualscholarship.nl

440 Het Wiesbadense handschrift folio 87rb-88ra
2676
2680
2684
2688
2692
2696
2700
2704
heilighen in den aenscouwene des heeren. Welc steen bilix inder sester
stat es gheset, want ons heere Jhesus Cristus inder sesten etaten der
werlt mensceit aennam, ende ooc opten sesten dach so wert hi om alle
der werelt salicheit ghecruust.
Die sevende crisolicus. Die blict ghelijc den goude, hebbende bernde
voncke. In wies ghedaente sijn betekent die ghene die blicken inder
verstandenissen der overster waerre wijsheit ende uutstorten alle
voncken des viers in haren naesten minnentlike leere, oft ooc tekene
der dogeden. Welc alleene ghedraghen wort vander gaven der gheesteliker
genaden, ende daer omme so es crisolicus betamelike inden
sevenden fondamente gheset; bi welken ghetale men dicke die genade
des helighen gheest beteekent. Welker sinne ooc becoomt dat men sulke
dese steene gheluvaer vint. Ende vander ghelikenisse der verwen der
zee so heet hi in Hebreeusche sardis. Die groenicheit die | behoort toter
heelheit des gheloven, ende dat water hoort in eenre ghelikenisse
ten helighen gheeste, also als ons heere seghet: So wie in mi ghelovet,
als die scrifture seght, vloede sullen vloien uut sinen buke van levenden
watre; maer dat seide hi vanden gheeste dien ontfanghen soude,
die gone die in hem gheloven waerlike.
Die achtende barillus. Ende es ghelijc gheverwet den watre, waneer
hi vanden scine der sonnen wort gheroeret, so gheeft hi ute suverlike,
rodelachtighe verwe, maer hi en blict niet, hi en si ghemaect
sescant wijs, ende so wort sine claerheit verscerpt vanden wederscinenden
hoeken. Ende sijn menschen die van versta ne claer sijn ende
vroet, maer vanden lichte der godliker ghenaden blickende. Ende want
noch godlike wijsheit, noch menschelike en es van volcomenre claerheit,
ten si datter navolghe vervullinghe der werken. Daer omme en
gheeft dien steen gheenen schijn, ten si inder wederscine der vi hoeken,
welc ghetal inbrinct vervullinghe der dogedeliker werken. Ende
dese steen verhit die hant daer hi in leghet; dat onttwiveliken es, so wie
eenen heli ghen mensce toeghevoecht wort, die wort vanden viere sijnre
doghedeliker wandelinghe verwarmt.
Die neghende topasius. Die also vele als hi selsenre es, also vele es
hi dierbare. Ende hi hevet ii verwen, eene als dat alre luterste gout, die
ander lichtende van hemelscher claerheit, ende sijn wit ane te siene
B 2688/91 Joh. 7:38-39
V 2705 selsenre: variant van MNW seltsiene: ‘zeldzaam’
P 2696 van: toegevoegd aan het eind van de regel, achter verstane, met invoegtekentjes.
87va