Download pdf - Textualscholarship.nl

2568
2572
2576
2580
2584
2588
2592
2596
2600
26 Beda, Expositio Apocalypseos 437
gaet omme als een brieschende leeu, soekende wien hi verslinden
mach; die welke sterc int ghelove es, hem wederstaet. Ende dese mach
segghen metter bruut: Mijn lief es wit blickende ende rodelachtich.
Daer omme so wort van desen steene bilix die timmeringhe der muren,
ende Ysaias seghet dat vorborchte der stat ghevestighet ende verchiert.
Die ander saphier. Des steens verwe ende sacramente bediede Moyses,
doen hi dat abijt gods bescreef, segghende: Onder sine voete als
een werc des steens saphiren, ende alse die hemel waneer hi claer is.
Ende Ezechiel seghet dat die stede in welker die trone gods es, heeft
die ghelikenisse eens saphirens, ende dat die glorie des heeren in dier
verwe si, welc steen draghet dat nabeelde des hemels. Ende alsi vanden
glenstren der sonnen wort gheslaghen, so ghevet hi uut een bernde
blickinghe. Ende hi wort ghevonden inden roden mere. Ende sijn bi te
verstane die heilighen die haer zin inden hemel es. Want als dat ghetal
vanden heilighen altoos es opgheheven inden hemel, so wort daghelicx
| vernieuwet vanden glanstren des godliken lichts, so ondersoeken
si so vele te minnentliker ende bernentliker die eeuwighe dinghen ende
toetroosten ander menschen tot dien selven. Ende overmids der passien
ons heren ende des doopsels daer si in ghedwoeghen sijn, so vor -
setten si den hope harer herten die hemelsche dinghen te soeken in sekeren
hopen.
Die derde calsedonius. Ende hout die ghedaente des viers ghelijc
eenre bleeker lanterne. Ende heeft blickinghe buten huus biden daghe
ende niet binnen den huse, ende hi en laet hem niet graven. Ende als hi
vanden glanstren der sonnen wort gheslaghen of dat hi ghewreven
wert metten vingheren dat hi blickende wort, so grijpt hi caf tot hem,
ende hi wort ghevonden int Moerlant. Ende daer sijn bi betekent menschen
gheoefent in hemelscher begaerten ende nochtan vanden mensche
verborghen sijn ende alle hare doghedelike werken inder verborghentheit
doen, maer als si uut werden gheboden te gane in
godliker leere oft tot anderen ghewoenlike werken der helighen, al te
hant so uutblict dan dat vier dat in hen verborghen lach. Ende hoer
stercheit en laten si niement verwinnen, ende si trecken an hem die
crancke menschen overmids den brant des godliken lichts, daer si in
harer sielen af werden gheroert; van enen gheseit es: Die was ene lanterne
bernende ende lichtende, bernende inder minnen, lichtende inder
leere. Want dat licht hare dogeden dat meerren si altoos metter olyen
minnentliker minnen. Ende dat dese steen int Moerlant wort ghevon-
86va
B 2567 Hoogl. 5:10 2569 cf. Jes. 54:12 2571/2 Ex. 24:10 2573/4 cf. Ez. 1:26; 10:1 2575 cf. 1 Kor.
15:49 2599/2600 Joh. 5:35
V 2588 graven: ‘graveren, polijsten’ 2591 Moerlant: Ethiopië, niet in MNW in deze betekenis