Download pdf - Textualscholarship.nl

436 Het Wiesbadense handschrift folio 86ra-86va
2532
2536
2540
2544
2548
2552
2556
2560
2564
Ene mate des menschen, die es des enghels. Die helighe kerke die
vergadert es van menschen ende verhoeghet inden *beloefnissen Cristi,
*hoopt die ghelijcheit der enghelen. Of nader letteren te verstane, so
betekent eenen enghel hem hebbende gheopenbaert inder figuren eens
menschen.
Ende die tymmeringhe der mure was vanden steene jaspidis. Dat
es dat sinte Pieter, die apostel, raet: Ende ghi als levende steene wordt
opghetymmert gheestelike huse.
Maer die stadt es reine gout ghelijc suveren glaze. Die helighe
kerke wort hier dicke ghelijct den goude, als in die guldene candelaren
ende den guldenen violen, om die godlike wijsheit daer si af ghebouwet
es. Biden glaze es betekent dat ghelove, want datmen van buten
siet, dat eest van binnen. Want inden heilighen der heligher kerken en
es niet gheveinst, men maecht al dore sien. Oec mach ment trecken tot
dier tijt daer hem die ghedachten sullen claerlike onderkinnen.
Die fundamente etc. In welken men verstaen mach menigherande
ghedaente der dogeden der heligher kerken of die menigherande or -
dine ondersceiden, van welken dat hemelsche Jherusalem sal worden
ghetimmert. Want et es waer allen menschen te bloyene in allen
dogheden. Alse Ysaias bescrivende die chierheit der selver stat in sijnre
prophetien: Ic sal spreiden bi eenre oordine dine steene ende sal di
fonderen in saphiren etc., ende thant daer na, alse bediedende, so seit
hi: Ende alle dine kindre gheleert vanden heere.
Die eerste fundamente jaspis. Welker steene veler kunnen sijn: | die
eene groenvaer, ende schijnt als besprinct met bloemen; die ander ghelijct
den smaragdo, maer hi es vette van verwen, die welke men seghet
te verdrivene die fantacie, dat sijn die bedrieghenisse die den mensche
in beelden voercomen; die derde sneevaer es ende ghelijc den zeescume,
onderscinende met bloede. Bi welker steene voerscreven es betekent
die onverdorlike groenicheit des gheloven, die vervult wort metten
water des doepsels inden sacramente des lidens ons heeren Jhesu
Cristi, ende leret voortgaen inden verdiente tot allen bloemen der
gheesteliker ghenaden. So wie dat ghelove heeft, die verjaghet alle idele
anxte, van welken sinte Pieter seghet: Ons wedersakere, die viant,
B 2537/8 1 Petr. 2:5 2551/2 Jes. 54:11 2553 Jes. 54:13 2564/6 1 Petr. 5:8
21:18
21:19
86rb
K 2532 hs. behoefnissen; cf. Gryson, 531, r. 83: promissionibus 2533 hs. hoort; cf. Gryson, 531, r. 84: sperat
2549 swaer; cf. Gryson, 531, r. 100: difficile
V 2555 groenvaer: ‘groenkleurig’, niet in MNW
P 2562 Achter leret lijkt een w uitgewist.