Download pdf - Textualscholarship.nl

434 Het Wiesbadense handschrift folio 85rb-86ra
2456
2460
2464
2468
2472
2476
2480
2484
2488
es: Si segghen hem te sine joden ende si en sijns niet; maer si lieghen,
want si sijn Sathanas synagoge.
Ende het quam i vanden vii enghelen, hebbende die vii violen
vol der vii leste plaghen, ende sprac met mi, seggende. Die selve
predikare die de sevenderhande plaghen, daer alle plaghen in begrepen
sijn, den quaden instorten, die selve openbaren ooc der heligher
kerken hare toecomende vroude.
Com ic sal di etc. Hi seget die helighe kerke te sine i bruut ende
huusvrouwe des lams, want si onbevlect blivende gode altoos ghe baert
gheestelike sonen, of dat si hem nu es ghetrouwet, ende dan hem sal
werden gheeenighet in onsterfliker brulochten.
Ende hi hief mi op inden geeste op eenen groten, hoghen
berch. Naden val der stat Babilonien so wort die heilighe stadt, die
den lamme ghetrouwet es, ghesien op eenen berch. Want dien steen die
ghesneden es vanden berghe sonder hande, heeft vermindert dat beelde
oft afgod der wereltliker glorien, ende is ghewassen in eenen groten
berch, ende heeft vervult alle die werelt. |
Nederdalende vanden hemele van gode etc. Want dan sal hi meer
werden ghesien verchiert, wanneer si overmids den helighen geest, in
welken si ghelovet haren brudegom ontfanghen ende gheboren,
Die dierbaer steen es Cristus, die spreect: Die claerheit die du mi ghe -
gheven hebs, die hebbic hem ghegheven.
Alse dies steens jaspidis ghelijc den cristale. Den steen door die
blickinghe der crachten, den cristale dore die innentlike puerheit der
herten ende den ongheveinsden ghelove.
Ende si hadde eenen groten muere ende hooch. Dat es een onverwinlike
stercheit des gheloven, der hopen ende der minnen. Oec
mach men verstaen den heere bescermende die helighe kerke te sine
haer muer, van welken Ysaias spreect: In haer sal werden gheset eenen
muer ende eenen vormuer, dat es, die bescerminghe ons heeren ende
dat ghebet der helighen, die hem eenen wech maken te leeren toten
herten der ghelovigher.
Hebbende xii poorten ende opten poorten xii enghele. Dese
poorten sijn die xii apostelen, die met haren werke ende ghescrifte alle
heidenen ierst openbaerden dien inganc der heligher kerken.
Ende inden poorten xii enghele. Dat sijn die helighe leeraren na-
B 2469/70 cf. Dan. 2:34 2476/7 Joh. 17:22 2479/80 1 Tim. 1:5 2484/5 Jes. 26:1
21:9
21:10
85va
21:11
21:12
K 2475 Onvolledige zin; de vertaling van het laatste zinsdeel ontbreekt. Cf. Gryson, 525, r. 17/8: imaginem
plene meruerit portare caelestem.
V 2476 Nieuw commentaardeel bij Apok. 21:11: Lumen eius simile lapidi pretioso (‘zij schitterde als het
kostbaarste gesteente’)