Download pdf - Textualscholarship.nl

2424
2428
2432
2436
2440
2444
2448
2452
26 Beda, Expositio Apocalypseos 433
nen vander gaven gods, dat en ghene voetspore en sal bliven der outheit,
waneer die hemelsche onverganclicheit verhoghen sal die lichame,
ende dat aenscouwen des ewighen coninx voeden sal die ghedachten.
Die doot en sal voort meer niet sijn. Want hi seide hiervore den
doot wesen ghesent in die staende zee des viers. In welken men verstaen
mach dat als die helighe stadt inden lesten ordeel glorificeert es,
dan alleene seericheit, screyinghe ende sterflicheit sijn sal in den ewi -
ghen viere.
Ende hi seide mi: Scrijf etc. Dit behoort ons te ghelovene ende niet
te bediedene. Want daer omme seghet hijt ghesciet te sine in vorledenre
tijt, op dat hijs niement en laet twivelen te ghesciene in toecomender
tijt.
Ic ben a a ende o o, dat beghin ende dat eynde. Also als hi inden
beghinne des boecs hem dat ghetughet te sine, so onderhaelt hijt nu
echter, op dat, als Ysaias seghet, voor hem noch na hem gheen andre
god en werde ghelooft te sine. Ende want hi hier spreect vanden einde
der werelt, so machmen daer in verstaen den selven te sine den voleinder
der werelt, die haer scepper es gheheten.
Ic sal den dorstighen gheven vander fonteinen. Van dier selver
fonteinen dauwet hi nu die ghelovighe inden weghe, dien hi den verwinnenden
overvloyliken *gheeft te puttene inden rike, ende beide te
vergheefs. Want die gracie gods es dat ewighe leven in Cristo Jhesu,
on|sen heere. Ende van sijnre volheit hebben wi alle ontfanghen gracie
om gracie.
Maer den ontsienden etc. Den soeten dinghen sijn ons altoos bi -
ghescreven die wreede dinghen, daer bi te verhoedene eenen igheliken.
Also als David bescrivende is overvloedelike ontfermherticheit des
heeren, screef hi bi dat selve sijn nauwe oordeel: Die heere die ver waert
alle die hem minnen, ende alle die sondaren sal hi te stroien. Die ontsiende
toevoeghet hi den onghelovighen, want die ontsiet hem te besoekene
dien anxt des strijts, die twivelt vanden loone des verwinnenden.
Ende alle loghenaren haer deel etc. In welken te verstane es dat
die loghene menigerande sijn, maer die alre verdomelicste in welken
wort ghesondicht inden gheesteliken schine, daer boven af ghescreven
B 2435/6 cf. Jes. 43:10 2443/4 Joh. 1:16 2448/9 Ps. 144(145):20
K 2441 hs. gheest; cf. Gryson, 521, r. 96: praebet
V 2442 (te) vergheefs: hier in de betekenis ‘gratis’ 2455 cf. commentaar bij Apok. 2:9; cf. Apok. 3:9
P 2429 Na niet is be geëxpungeerd.
21:5
21:6
21:8
85rb