Download pdf - Textualscholarship.nl

424 Het Wiesbadense handschrift folio 82ra-82va
2112
2116
2120
2124
2128
2132
2136
2140
2144
ghelijc den molesteene. Want inden ommeganghe so wandelen die
quade. Die welke van rechte vanden vloede der wraken sal worden
verslonden, want si die borghers van Jherusalem heeft verdruct inden
vloeden der onghelovicheit, doen si op ten vloeden van Babylonien sittende,
beweenden die afwisinghe des hemels Syons. Ooc mach men biden
molesteen verstaen die bedruckenisse der pinen. Want doemen
sinte Ignatius doden soude, doen sprac hi: Ic ben dat coren gods, vanden
tanden der beesten sallic worden ghewreven, op dat ic suver broot
worde.
Die stemme der herperen ende sanghers singhende, die vedelen,
bosunen en sal voortmeer niet worden gehoort in haer.
Vanden v sinnen so zweech hi boven vanden ghelude, welc hi nu onder
die andre vander werelt seghet te worden ofghehaelt. Als of hi seide:
Dat scone es te siene, dat luut salichlike te horen es, dat saechte es
te tastene, dat soete es te rukene ende dat lustelic es te smakene, dat sal |
vander werelt al vervaren.
Een ieghelic constmakere. Dat es, dat toter nutticheit ende vroilicheit
des menscheliken levens behoort, dat sal werden den quaden afghehaelt.
Want dine cooplude waren die princen der eerden. Dat es, want
in dinen leven ontfinghes du goede dinghen.
Ende haer es ghedoot dat bloet der propheten ende der heilighen.
En hevet niet die selve stat gedoot die apostele, die doode die
prophete ende alle die andere? Dat es die selve stadt die Cayn inden
bloede sijns broeders fonderde, ende gaf haer den name sijns sones
Enoch, dat es, sijnre nacomelinghe. Want alle die vii gheslachte Cayns
sijn bescreven. Inder tymmeringhen dier stat so werdt ghestordt alle
dat rechtverdighe bloet vanden bloede Abels, des gherechten, toten
bloede Zakarie, dat es des volcs ende des priesters.
Na desen hoordic inden hemel segghende: Alleluya. Dese din -
ghen seghet nu die helighe kerke uut eenen deele, maer dan als die versceidinghe
ghesciet ende si openbarelike ghewroken es, so sal sijt volcomelike
segghen ende spreken.
Hier vertelt hi ii dade des ghemeynen wives, dat es dat si haer selven
met boesen woorden bevlect hevet, ende die goede vervolghet heeft; in
welken ii alle die misdade der quadre begrepen worden.
18:22
18:23
18:24
19:1
19:2
82rb
B 2110/1 cf. Ps. 11:9(12:8) 2112/4 cf. Ps. 136(137):1 2129/30 Luc. 16:25 2133/6 cf. Gen. 4:17-22
2136/8 Mat. 23:35
V 2116 Sint Ignatius van Antiochië († ca. 107) 2143 Nieuw commentaardeel bij Apok. 19:2: Quae corrupit
terram in prostitutione sua et vindicavit sanguinem servorum suorum de manu eius (‘die met haar
hoererij de aarde ten verderve voerde. Hij heeft het bloed van zijn dienstknechten aan haar gewroken’)