Download pdf - Textualscholarship.nl

422 Het Wiesbadense handschrift folio 81rb-82ra
2036
2040
2044
2048
2052
2056
2060
2064
2068
2072
met ewighen tormente.
Si spreect in haer herte: Ic sitte coninghinne, ic en ben niet
weduwe. Want si ghewalusticht hevet inden jeghenwoordighen overtollicheden
niet en woude voerhoeden die toecomende wraken, daer
om sal si in corter tijt in gheesteliker ende in lijfliker plaghen worden
ghepinicht. Maer daer jeghen die borgheren der hemelscher erfenisse,
die voresetten Jherusalem inden beghinne harer vrouden, ende en willen
niet in vremder erden den sanc des heeren singhen; dat es, ontfaen
inder jeghenwoordigher tijt die selve vroude die hem belovet es inder
toecomender werelt.
Ende het sullen sich beweenen etc. Dese screyinghe der conin -
ghen ende der cooplude ende der sciplude machmen twierhande ver -
staen: of alse inden daghe des oordeels, als alle die glorie der werelt
vervaert, den quaden alleene den | rouwe bliven sal haers verledenen
levens, sprekende: Wat heeft ons ghevoordert die hoverdie ende die
beroeminghe der rijcheden, die hene gheganghen sijn als die scyme, of
als inder jeghenwordigher tijt die overvloedicheit der wereltliker rijc -
heit cesseert ende verswijnt, so sullen hem vele menschen bedroeven,
om dat hem die ommevloiende oorzake afgehaelt es, te vervullen haren
wille harer quader vleescheliker weeldicheit.
Van verre staende door den anxt harer tormente. Als een ye -
ghelic hem voerducht dat hi den anderen siet liden overmids onwaerdicheit
ende ghewout.
Sprekende: Wee, wee etc. Want in dier uren als die waerlike glorie
ende rijcheit ende haer bevlecte vernufte verswijmt, die ghone die alle
haer betrouwen op haer gheset hebben, sullen ten oordeele haer pine
tweewarf bescreien, dats inden lichame ende inder zielen. Die pine des
lichaems dat es droefenisse der weeldicheit, die welke hem inbrinct
pine inder sielen, want sise minnen.
Die bedriver der eerden sullen weenen ende screyen op haer.
Die selen beweenen alle die pompen der werelt, ende alle die dinghe
die den sinne des lichaems soete waren ende den uutwendighen ghebrukenisse
ghemaclijc waren, te dervene. Die ghedaente ende scoonheit
der metale toten siene, die riekende crude tote den roke, die salven
toten taste, den wine ende der terwen ende olie tote den smake.
Ende inden vee ende den knechten so sullen si beclaghen verloren te
hebben alle die ander behulpenisse der menschelicheit.
Die rike worden sijn van di, sullen staen van verre, dore den
anxt dijnre tormenten. | So waer hier die helighe geest gherijct
B 2042 cf. Ps. 136(137):6 2042/3 cf. Ps. 136(137):4 2050/1 cf. Wijsh. 5:8-9
P 2074 Tussen hier en die is enige ruimte opengelaten.
18:7
18:9
18:10
18:11
81va
18:15
81vb