Download pdf - Textualscholarship.nl

2004
2008
2012
2016
2020
2024
2028
2032
26 Beda, Expositio Apocalypseos 421
Ende dat wijf die du saghes etc. Also als hier na staet te siene, die
bruut des lams bescouwet die helighe stat nedercomende vanden hemele.
Die welke als hi se bescrijft, seghet: Ende die coninghe der erden
toebrenghen hare glorie in hare. Want het sijn twee steden inder werelt:
die ene vanden afgronde opclimmende, die ander vanden hemel
nederdalende. Ende die selve stat der onghenadicheit die hi bescreven
heeft onder den abite des naecten, ghemeinen wijfs ende der verbrander,
die ghelijct *hi nu der verwoester stadt in haren vallene.
Ende na desen sach ic eenen anderen enghel nederdalende
vanden hemele, hebbende groot ghewout. Dese sterke enghel
ende verlichtede die eerde, es ons heere inghevleescht, of men mach
daer bi verstaen die leeraren der heligher kerken, die verrijct sijn inden
hemelschen lichte, prediken den val der werelt, segghende: Dat rike
der hemele sal ghenaken.
Het es gevallen die grote stat Babilonien. Alsof hi seide: O Jherusalem,
en ontsie niet die moghentheit der erdscher stadt, die in dien
selven gheestelike vallet, dat si die overgaet metter aenvechtinghe harer
quader borghen. Ende ooc bescrijft Ysaias Babilonien ‘in te wonen
den onreynen wonderen’. Want dat en es niet anders dan des viants
stadt, die een yghelike onreinighe siele bevaet, in welker alle die onreinicheit
over alle die werelt woent.
Ende die coeplude der erden sijn vander cracht harer weelden
| rijc worden. Die seghet: O ghi rike inden sonden, die onder
tijtliker overvloedicheit in onsalighen cope hare ziele vercopen ende
wisselen, want die veelicheit der luxurien maecse meer arm dan rike,
ende verliesen hier haren edelen tijt die ons god verleent hevet.
Gaet uut van hoer, mijn volc, dat ghi niet deelachtich en sijt
harer zonden. Ende also seit Ysaias: Gaet uut van hare middelte,
ende dat onsuver en ruert niet. Wort ghereinicht, ghi die draghet die
vate des heeren. Ghevoorkundicht den val van Babilonien, so inbringt
hi die versceederinghe. Want wanneer Loth hem versceedt van Sodoma,
so sullen si te gronde werden verwoest ende te nieute ghedaen.
Ghelt haer weder etc. Want vander heligher kerken so gaen uut inder
werelt sienlike ende onsienlike plaghe.
Also dat die ghebruucte den tijtlike weeldichede sal werden ghecruust
B 2013/4 Mat. 3:2, 4:17 2018/9 cf. Jes. 13:21 2028/30 Jes. 52:11 2031/2 cf. Gen. 19:12-13
K 2008 hs. si; het vrouwelijk pers. vnw. heeft hier geen zin.
17:18
18:1
18:2
18:3
81rb
V 2001 cf. commentaar bij Apok. 21:2 2003/4 cf. commentaar bij Apok. 21:24 2031 versceederinghe:
cf. 860 2035 Nieuw commentaardeel bij Apok. 18:6: Et duplicate duplicia secundum opera eius (‘vergeldt
haar dubbel wat zij heeft misdaan’)
18:4
18:6