Download pdf - Textualscholarship.nl

420 Het Wiesbadense handschrift folio 80va-81rb
1968
1972
1976
1980
1984
1988
1992
1996
2000
Maer si sullen gewout ontfangen als coninghen in eenre uren
na der beesten. Daer omme seght hi ‘als coninghe’, want so | wie den
riken ons heeren Jhesu Cristi jeghen sijn, die regneren als inden drome.
Dese hebben eenen raet etc. Dat es, met gheliken consente ende
met al haren aendachte so striden si metten viant, want dat es nader
beesten trike tontfanghene, den viant na te volghene ende Cristo te
wederstriden.
Dese selen stride metten lamme etc. Op dat die menschelike
crancheit niet en ontsaghe die wreetheit des ouden viants, so bescrivet
hi die sevenhoefdighe beeste, ghewapent metten horen des wereltliken
rijcs, Cristo overstridende, worden verwonnen, dien hi inden sinen te
verwinnen bewisende toe heeft ghescreven.
Ende x hoorne etc. Dat es, die glorie der werelt, die si nu met ghenoechliker
minnen behelsen, die selen si dan met hate beghinnen te
lachterne, als si en sien vanden verwinnenden lamme te sullen werden
verdoemt. Oec machmen verstaen dat onder den hoverdighen altoos
stride sijn; ende so wie die quaetheit mint, die haet sine ziele.
Ende si selense woeste etc. Want si overmids den toorne gods maken
die werelt woeste, om dat si daer weeldich willen sijn ende der
quaetheit gebruken.
Ende selen haer vleesch eten ende selense verbernen metten
viere. Datmen nader lettren verstaen mach. Want die verdoemde
ghiericheit der werelt sal haer selven verteren.
Want god heeft etc. God, die gherechte rechter ende die sterke,
ende dien gherechticheit altoos behaghelic es, die ghehenct den quaden
alsulke werken te doene voor die pine der eerster sonden; om welken
hi billicx der werelt haer einde gave, als die ewangelien ghetughen
ghesciet te wesen in Sodoma ende inder diluvie.
Dat si sullen gheven haer rike der beesten tot dat die woorde
gods volbracht werden. Dat es, den viant sullen si ghehoersam |
sijn, tot dat vervult werden die scrifturen, in welken god gheseghet
heeft dat vierde rike der eerden te voleindene, also men leest in Daniele:
Dat vierde rike sal sijn opter eerden, dat allen desen riken sal overgaen,
ende sal alle die eerde verslinden ende salse ommekeren ende
deeli[n]ghen.
B 1981/2 Spr. 13:10 1982 cf. Ps. 10:6(11:5) 1989 Ps. 7:12 1998/2000 Dan. 7:23
17:13
17:14
17:16
17:17
80vb
K 2000 deelighen: ‘verdelgen’; hs. deelinghen. De kopiist heeft ten onrechte een afkortingsteken boven de i
in zijn legger vermoed. Vertaling van delebit (Gryson, 475, r. 84).
P 1996/9 sijn – alle die: De eerste zes regels van kolom 81ra zijn door de kopiist geschreven op een opgeplakt
rechthoekig stuk papier.
81ra