Download pdf - Textualscholarship.nl

418 Het Wiesbadense handschrift folio 79vb-80va
1896
1900
1904
1908
1912
1916
1920
1924
menisse des groten gemeinen wijfs. | Die menichfuldicheit der
verdoemdre, die ghelaten heeft haren scepper, ende heeft haer den
vianden onderworpen te oncuschene, wort gesien sitten inden vloeden
der oneendrachtigher volke. Jeghen welke der menichfuldicheit der
ghelouigher es een herte ende een siele.
Met welker oncuuscheit etc. Coninghen ende inwoenders der erden
sijn alle die ghone die hoverdichlike die dinghen van aertrike soeken,
die die onreinicheit oefent inden quaden lusten der zonden ende
die die verwoetheit der herten verdronckent.
Ende hi af voerde mi in die woestine inden geeste. Bider woestinen
verstaet men hier afwesinghe der godheit, wes jeghenwoordicheit
dat paradijs es, dat was in bescouwinghe die herten der sondigher
menschen.
Ende ic sach een wijf etc. Die viant, van quaetheden bloedich vol
blasphemien, ingheblasen, die opheft die verdultheit der quadre inder
hoverdien der coenheit.
Hebbende etc. Dat es, hebbende die coninghe der werelt ende die
rike, welker glorie hi Cristum inden berch wijsde.
Ende dat wijf etc. Inden purper | es te verstane die gheleende verwe
der gheschinender regneringhe, ende inden moritte es betekent dat
bloedighe habijt der onghenadicheit.
Ende was vergult met goude ende met dierbaren steenen, met
perlen ende met margariten. Dat es met alder onreinicheit gheveinsder
waerheit.
Ende wat ten lesten deser scoenheit navolcht, dat bediet hi, segghende:
Hebbende etc. Gout vol der onreinicheden, dat es ypocricie, die van
buten den lieden scinen als gherechtich, maer van binnen sijn si vol alre
onsuverheit. Dat selve dat venijn es inden goude, dat es die beeste onder
den abite des ghemeyn wijfs sculende.
Ende in haren voerhoefden etc. In haren aensichte wort si bewijst
te sine een vervulster ende een voedster der sonden, maerwant si van
buten gulden schijnt so wort alleene met wroetheiden ondervonden,
dat es dat biden verborghenen name es betekent.
B 1898/9 cf. Hand. 4:32 1911/2 cf. Mat. 4:8 1920/2 cf. Mat. 23:28
17:2
17:3
80ra
17:4
80rb
V 1913 gheleende verwe: twee woorden die samen het woord fucus vertalen: ‘rode verf, purperverf; schijn,
bedrog’. De betekenis van gheleende is in dit verband onduidelijk. 1914 moritte: ‘donkerrood’; niet in
MNW, cf. moreitijn: ‘zwart, donkerkleurig, paars’. Cf. Gryson, 465, r. 24: coccineus (‘scharlakenrood’).
1917 perlen, margariten: twee verschillende woorden voor ‘parels’ 1926 wroetheiden: i.e. vroetheiden
P 1895 In het bovenste deel van kolom 80ra bevindt zich een tekening van een vrouw met spiegel en kam.
De ingekleurde pentekening is rechtstreeks op het papier aangebracht (zie pl. XVI). Erboven staat met
rood in een rode tekstballon dwijf vol oncuyshe, geschreven in een cursiva, mogelijk door hand 3.
17:5