Download pdf - Textualscholarship.nl

1736
1740
1744
1748
1752
1756
1760
1764
1768
1772
26 Beda, Expositio Apocalypseos 413
menichfoldicheit der zonden der eerdscher menschen, so sijn hier be -
screven menigherande plaghen die hem in worden ghestort.
Ende die eerste ghinc etc. In drierhande manieren so uutstorten die
predicaren die violen des toorne gods. Ten eersten, alsi die pine der
quadre den quaden inbrenghen gheestelike te oordeelene, also dede
sinte Pieter Symon Magus, seggende: Dijn ghelt si met di inder verdoemenissen.
Ten anderen male, alsi die verdomenisse der quader open -
baer prediken, also als die selve Petrus seget: Welken haer oordeel van
aenbeghinne niet af en laet, ende haer verdomenisse niet en slaept. Ten
terden male, want die quade sondare, waneer hi hoort die predikinghe
der waerheit, so wort hi vele te meer vervuylt inder zwarer wonden der
wedersprekingen, daer onse heere af seget: En waric niet ghecomen,
ende hadde hem ghesproken, so en hadden si gheene sonde.
Ende wert eene wreede etc. Die den heere laten ende den viant
eren, die sullen geestelike sterven in der alre quaetster wonden der selver
ongherechticheit.
Die ander engel goot uut sine viole in die zee, ende si es ge -
maect als bloet eens doden. Text. Die ghene die niet alleene en
worden ghetekent | [sijn] metten teekene Anticristi, maer ooc die stedicheit
der knechten Cristi metten nide der bittere persecucie navol -
ghen, die sullen te hant inder gheesteliker wraken, die dat bloet betekent,
worden ghepinicht; ende die hem beroemden te levene, die sullen
worden gheproeft, hebbende ghedient den meerare des doots.
Ende die derde enghel etc. Ende die ghene die scalkelike haer venine
ghieten in die onbehoedde menschen ende hem vensen soete
dinghen te scenkene, die sullen bilix worden ghepiniget inder wraken
der ewigher plaghe.
Ende ic hoorde den enghel der watre segghende: Du best gherecht.
Inden enghel der watre es te verstane alle die enghele der volke,
die in innentliker begherten die godlike love singhende, dat hi wreke
dat bloet sijnre knechten ende hi heeft ghedrenct die manslachte
inder doot.
Ende ic hoorde eenen ander engel etc. Dat die enghele singhen,
dat es ooc vanden outaer gode lof segghende, dat es, die innentlike
begherte der helighen, der enghelen of der menschen die de ander leeren.
Ende die vierde enghel goet uut sine viole in die sonne. Die
vervolghers der heligher kerken die ghelijc der bernder sonnen dwoort
gods hem pinen te verdorrene, die sullen bernen inder ewigher hitten.
B 1740/1 Hand. 8:20 1742/3 2 Petr. 2:3 1746/7 Joh. 15:22
V 1757 meerare: ‘verbreider’, niet in MNW; cf. meren: ‘vermeerderen’. Cf. Gryson, 449, r. 74: auctori.
16:2
16:3
16:4
16:5
16:7
16:8
78va