Download pdf - Textualscholarship.nl

1604
1608
1612
1616
1620
1624
1628
1632
26 Beda, Expositio Apocalypseos 409
ghescreven. Want die dat goede zaedt ghesaidt heeft in sine acker, die
selve heeft ooc den wijngaert gheplanct in vruchtbarigher stat. Maer
die rokeloosheit der hoedren heeft onvruchtbaert beide die bouwin -
ghe.
Ende een ander engel ghinc uut vanden tempel dat inden hemel
es, hebbende ooc eene scarpe zekele. | Also als sinte Jheronimus
seit, so es tweerhande ambacht der enghele: Der eenre die den
gherechten heere love gheven, die andre die vore sijn in yegheliken
crucinghen; als David seght: Die daer maect sine enghele gheeste, ende
sine dienaren i bernende vier. Ooc machmen biden ii enghelen ver -
staen, die den dorren oeghst ende den ripen wijngaert prediken, die
ghebode der heligher kerken, die met groter stemmen, dat es met groter
begaerten, daghelics bidt, seggende dat rike gods toe te comene.
Sende dine scerpe zekele ende afsnide die druven des wijn -
gaerts der eerden. Also als die oghst es, also es ooc die aflesinghe
des wijngaerds een deel eerdsch ende i deel hemelsch. Ende die rijpheit
harer beider condicht ons dat ende der werelt.
Want haer druve sijn al ripe. Dat es, haer sonden sijn vervult. Al
es dat sake dat ooc die volcomenheit der goeder ooc rijpheit heeten
mach.
Ende die enghel sende sine scarpe zekele inder erden. Die selve
die hevet die zekele des oeghst, die selve heeft ooc die zekele des wijngaerts.
Want hets een oordeel ende het sal tot eenre stonde ghescien.
Maer inden oegst ende inder afsnidinghe des wijngaerts so toint hi
tbeghin ende dat ende der selver bedruckenisse.
Eest dat sake dat dese oeghst ende wijngaerdsnidinghe alle toten
quaden hoort, soe bediedet pine. Mar eest ooc dat toti den goeden,
dese tredinghe der wijnporsen ende dat die vleghel quetset die onnutte
aren ende proeven, die nutte behoren. Als die apostole *segghet: Die
dierbare metale selen worden gheproeft inden viere, maer dat hout
ende dat hoy ende die stoppele sullen worden vanden viere verteert.
Dat beide buten den hemelschen Jherusalem wort ghewracht. Ende in
14:18
14:19
77rb
14:19/20
B 1602 cf. Mat. 13:24 1603 cf. Jes. 5:1; Mat. 21:33 1607/10 Hieronymus, Commentatorium, cap. vii,
v. 10 1610/1 Ps. 103(104):4 1630/2 cf. 1 Kor. 3:12-13
K 1630 Hs. segghen; vermoedelijk heeft de kopiist het woord apostele voor een meervoud aangezien en
daarom de persoonsvorm aangepast.
V 1606/14 De Middelnederlandse tekst combineert abusievelijk het lemma van Apok. 14:17 met Beda’s
commentaar bij 14:18. 1627 Nieuw commentaardeel bij Apok. 14:19/20: Et misit in lacum – sive torcular
– irae dei magnum, et calcatus est lacus extra civitatem (‘Hij wierp de trossen in de grote perskuip
van Gods woede. En de perskuip werd getreden buiten de stad’)