Download pdf - Textualscholarship.nl

1540
1544
1548
1552
1556
1560
1564
26 Beda, Expositio Apocalypseos 407
so volghen hem sonderlinghe die predicaren.
Het es ghevallen. Die volvalleghe stadt des viants seght hi thant wesen
gevallen, settende dien gheledenen tijt, also als des boecs zede es,
voer die ontwifelachtighe toecomende tijt. Want so welc tijt die hoverdighe
vanden viant sijn opgheblasen, so sijn si van gode verwerpen.
Die vanden wine etc. Die stat der quadre es vergadert van allen heidenen
oft vleescheliken lieden, die welken haer leden si dronken maect
in den wine der dwalinghen; maer die stat gods oefenende den wijn -
gaert sorflike en wil niet worden verdronkent inden wine der oncuuscheit,
op dat si niet en werden beroeft vanden belovenden penninghe
des levens.
Dat teeken der beesten in sinen voerhoofden ofte in sine hant.
Daer es bi betekent dat sulke den viant sullen worden toeghetekent in
valscher professien, ende sulke alleene in haren werken.
Hier es die verduldicheit etc. Al eest dat sake dat die beeste | seere
woeden sal, nochtan en sal die tijtlike pine die helighen niet be -
droeven, die hem te loven es inder ewigher salicheit, als si daer jeghen
haer vervolgeren inder tijt hem nu overgaende metter beesten sien
ewighe pine bescreien.
Ende ic hoorde een stemme etc. Welke een suverlike eendrachticheit
es der predicaren. Want die eerste die sprac dat rike des heeren te
comene, die andre die stat des viants wesen ghevallen, die der die
vlamme der quadre, ende dese vierde predict der saligher ruste, die sine
stemme vanden hemel uutsendt, op dat inden letteren der ewigher ghedachten
worde ghetekent. Want die gherechte vervrouden hen, want
haer namen ghescreven sijn inden hemel; maer die quade selen worden
ghedeelt vanden boeke der levender.
Salich sijn die dode etc. Gheloeft si di, Jhesu, die salich maecst die
ghone inden hemel, die in di sterven inder eerden. Hoe vele meer die
ghone die in dijnre ende voor dijnre gheloven haer salighe siele setten
voortmeer!
B 1543/4 cf. Ef. 5:18 1561/2 cf. Luc. 10:20 1562/3 cf. Ps. 68(69):29
14:9
14:12
76vb
14:13
K 1558 derde: hs. d’r. De vertaling zet de reeks (1557/9) hic ... ille ... iste ... alius om in die eerste ... die an -
dre ... die d’ ... dese vierde. Op zich is die daer (die d’) een correcte vertaling van iste, maar waarschijnlijk
is toch ‘derde’ bedoeld.
V 1545 sorflike: niet in MNW, door een medeklinkerwisseling mogelijk in de plaats gekomen van sorchlike.
Dit sorchlike is een variant op de verdietsing van de naam Sorec die hier oorspronkelijk moet hebben
gestaan (cf. Jes. 5:2, Jer. 2:21, Gen. 49:11). Cf. Gryson, 427, r. 27: domini vero civitas vineam Sorech exercens,
non vult...
P 1537 Na so is een h doorgestreept. 1558 stat: hs. staet, waarvan de e is doorgehaald.