Download pdf - Textualscholarship.nl

1468
1472
1476
1480
1484
1488
1492
1496
1500
26 Beda, Expositio Apocalypseos 405
Ende ic hoorde een stemme vanden hemel als eene stemme vele
watere ende als een stemme eens groten donres. Een grote stemme
der helighen es een grote innicheit der minnen, die hem seghet vanden
hemele hebbende ghehoort. Ende bi Syon es te verstane die heli -
ghe kerke, die te verwinnene die zware stride es opgherecht in hogher
vrouden des bescouwens, besinghet met love ende met navolghinghe
die striden haers conincx. Want dat es waerlike den staenden lamme te
singhene.
Ende die stemme etc. Sijn ,
die, hare vleesche *crusende metten sonden ende den begherlicheden,
hem loven in zouter, in herpen, hoe vele meer sijnt dat die ghone die
inden voordeele der engheliker reinicheit hem altemale maken gode
een offer, sonderlinghe versaken hem selven, ende opnemende haer
cruce volghen den lamme so waer dat hene gaet.
Ende si songhen etc. Dat was die oude sanc: Salich es hi die heeft dat
saet in Zyon ende huushoedre in Jherusalem; maer die nieuwe sanc es:
Verblijt di ondrachtighe, die niet en ghebaerste. Ende teender ander
stede inden prophete seghet ons heere: Ic sal gheven minen ghesuverden
een stat in mijn huus ende in minen muren, ende den besten namen
van minen sonen ende dochteren.
Ende niemen en mochte eenen sonderlinghen sanc den lamme
te singhene, dat es, met hem in ewicheit voer allen ghelovighen oec
vander onbevlectheit des vleeschs te verbliden. Welken sanc ooc die
andere vercoorne horen moghen, al en moghen sijs niet singhen, want
overmids der minnen so sijn si blide in hare hoocheit, al en moghen si
niet opclimmen tot haren loone.
Want het sijn magheden, | ende volghen den lamme so waer dat
hi henen gaet. Welc sinte Augustijn, die mageden te vermanene, suverlike
heeft bediet, segghende: Wandelt, gods heilighe kindre ende
joncfrouwen, mans namen ende vrouwen namen, helich ende onghehecht,
wandelt voldurich tot int einde. Ende lovet den heere soeteliker,
dien ghi dinct vruchtbaerliker; hoopt in hem , dien ghi
dient [salichliker dient] onafstandeliker; minnet bernliker hem, dien
ghi behaghet minnentliker. Uwe hopen begort ende met bernden lanternen
verbeidt den heere als hi comt vanden brulochten. Want ghi sult
toebringhen toter brulocht des lams eenen nieuwen sanc, dat ghi sult
14:2
14:3
14:4
76rb
B 1476 cf. Gal. 5:24 cf. Ps. 150:3 1479/80 cf. Mat. 16:24; Luc. 9:23 Apok. 14:4 1481/2 n.g.
1483 Jes. 54:1, Gal. 4:27 1484/6 Jes. 56:4-5 1500/1 Luc. 12:35 1501/2 cf. Apok. 14:3
K 1475 Conjectuur: het onderwerp van de zin lijkt te zijn overgeslagen door de kopiist; vertaling van Gry -
son, 421, r. 32: citharistae dei omnes sancti. 1476 hs. crudende; cf. Gryson, 421, r. 33: crucifigentes
1498/9 De tekst lijkt corrupt; cf. Gryson, 423, r. 54/5: sperate felicius, cui servitis instantius.