Download pdf - Textualscholarship.nl

404 Het Wiesbadense handschrift folio 75va-76rb
1432
1436
1440
1444
1448
1452
1456
1460
1464
een mensche in welken hole Sathanas sal wonen lichamelike. Want hi
es die mensche der sonden, die sone der verdomenissen.
Ende sijn ghetal es vi c ende lxvi. Van welken ghetale vele bediedenisse
sijn, dier hier ii navolghen. In welken men verstaen mach drierhande
state van menschen die hi bedrieghen sal, ende elc na sijnre
dwaes heit haer lone van hem selen verwachten. Biden vi sijn te verstane
die in huwelic, dat minste loen; bi lx die van hechtscap ontbonden
sijn, dat middelste loon; bi c die van reinen levene sijn, dat meeste
loon. Nochtan, al is dat sake dat hi om dese helighe statute den dwasen
god scinen sal, den wisen saelt openbaer sijn dat hi niet en es dan
een mensche. So verstaetmen inden ghetale. Salamone plachmen alle
jare van conincliken rechte te brenghen teenre gaven een ghewichte
gouts dat woech vi c lxvi m talenten. Daer omme, so wat ghiften men in
waren rechte eenen | coninc sculdich es ghevene, dat ooc die tyran hem
onderwinden te heeschene vanden ghonen die hi bedroghen heeft.
Ende ic sach ende sich, dat lam stont opten berch Syon. Onse
heere Jhesus Cristus es hier bescreven in eenen lamme, teenen exemple
der doghet ende teenre bevestenisse der bescermeninghe sijnre kerken,
zweetende vanden bade der stride. Ende want hier voren ghetoont es
dat lichaem des draken ende betrouwinghe sijnre crachten, daer
omme, op dat ghi u niet en ontsiet dat dat licham des lams iet sal ondervallen
der verwoetheit der beesten, so toent hi hier die helighe kerke
in ghewoenliker claerheit ende ghetale vervroudende. Ende ghi sult
merken dat hi die beeste opten sande der zee ende dat lam inden berch
Syon staen siet, want die helighe kerke dan hoghe in godliken bescouwene
verheven sal sijn.
Ende met hem c ende xliiii m . Welc ghetal oneyndelike te nemene es,
ende in betekeninghe godliker verborghentheit eest bequame in maghedeliker
beproeveninghe inden gonen die gode uut alle harer herten
ende al harer sielen ende allen hare ghedachte minnen. Ende hare lichame,
dat vanden iiii elementen onderstaet, vol dogeden gheheel sonder
bevlectheit hem hebben ghesacreert, datmen verstaen mach inder
delinghen des ghetaels. Want driewarf iiii maken twaelve, ende vierwarf
iii des ghelijcs, ende twaelfwarf twaelve maken c ende xliiii.
Hebbende sinen name ende den name sijn vaders gescreven in
haren voerhoefde. In welken men verstaen die navolghinghe [si]
des tekens des lichaems der [der] beesten, in dien dat hi god ende Cris -
tum | seghet ghescreven inden voerhovede der heligher kerken.
B 1439/41 cf. 1 Kon. 10:14 1457/8 cf. Mat. 22:37
13:18
14:1
75vb
K 1464 De zin is ongrammaticaal: na men verstaen zou men mach verwachten; de conjunctief si is overbodig.
Cf. Gryson, 419, r. 20: Ostendit quae sit imitatio notae in fronte corporis bestiae.
76ra