Download pdf - Textualscholarship.nl

402 Het Wiesbadense handschrift folio 74vb-75va
1360
1364
1368
1372
1376
1380
1384
1388
1392
ghemoede met bescedigher herten int ghelove Cristi. | Hier vore heeft
hi ghescreven ghemeenlijc die beeste eerst in ypocricien daer na in
openbaren monde blasphemerende, die selve bescrivet hi nu gheopenbaert
alleene in den proosten, ooc in ypocricien sijnre valscher apostolen.
Ende ic sach een ander beeste opclimmen vander eerden. Dat es
te verstane een andere van ambachte, maer anders so eest een beeste.
Dat selve dat hier voren inder beesten dat meer es, dat es nu beteekent
bider eerden, orconde Daniel, den prophete; doen hi sach iiii beesten
opclimmen vander zee, doen seide hem denghel: iiii beesten, dat sijn
vier rike die tegader opstaen sullen vander eerden.
Ende si hadde ii horne ghelijc des lams horen, ende sprac alse
die drake. Des lams horen draecht hi vore, op dat hi des draken venine
verborghelike inplante. Want die heilicheit die ons heere waerlic in
hem heeft, die sal hi hem vensen sonderlinghe te hebben in hem, ende
dat leven ende die wijsheit.
Ende si dede alle die gewout der eerster beesten in sinen aen -
scouwene. Dat es, die onsalighe jongheren die volghen in allen haren
meester ende gheven hem alle vordeel.
Ende die eerde etc. In welken hi bewijst die ghewout der bedriechenissen,
dat allech lichaem des viants hem dienen sal ende die siele
die daer in es.
Wes wonde etc. Dat es, die hem vensede den doot verrisende hebben
verwonnen. Want hier vore en seghet hem die scrifte niet doot, maer
ghelijc of hi ghedoot ware.
Ende dede grote teekene etc. Dat mirakel des viers sect hi bi namen
| alse dat meeste van allen, op dat also als ons heere sinen jongheren
den helighen gheest inden viere comende gaf die ghenade der do -
gheden, hi ooc de sine als in eenre gheliker salvinghen met valscher
behendicheit bedrieghen.
Ende verleide etc. Welke tekene die mensche ter loghene trecken
sullen. Ooc hoese god ghehenct te ghesciene in toverien oft inder
waer heit, overmids die crachte des viants, daer omme heetent teekene
der loghenen, want inder tijt sal sijn die meeste becoringhe alse die
gheduldighe martelaren dat licham onderworpt den tormenten ende
nochtan voor sinen oghen die pinere mirakele doet.
13:11
13:12
75ra
13:13
75rb
13:14
B 1368/9 cf. Dan. 7:3 1369/70 Dan. 7:17 1383/4 cf. Apok. 13:3 1386/7 cf. Hand. 2:3-4 1391/3 cf.
2 Tess. 2:9
V 1385 sect: ‘noemt’, ongebruikelijke spellingvariant voor secht