Download pdf - Textualscholarship.nl

1328
1332
1336
1340
1344
1348
1352
1356
26 Beda, Expositio Apocalypseos 401
Ende ic sach een vanden hoefden der beesten ghedoot. *Anticristus,
horende toten hoofde des eerdschen rijcs, bedrieghelic navol -
ghende onsen ghewarighen hoofde Cristo, sal hem veinsen ghedoot
ende weder opverstaen. Ende also coene sal hi sijn, dat hi segghen sal
dat hi Cristus si, wes figure in Simon Magus ghesciet es.
Ende alle die erde, dat sijn alle die erdsche menschen, verwonderden
hen nader beesten, dat es na Anticristo.
Ende si aenbeden | den drake etc. In welken te verstane es dat si selen
wanen gode ende Cristum aenbeden ende loven.
Ende hem es gegeven enen mont etc. Text. Want hi sal hem verhoghen
boven al dat god gheheten es of dat men oefent.
Ende hem es gegeven gewout etc. Want voerden iii 1 ⁄2 jaer so en sal
hi niet openbaer blasphemeren, maer in eenen teekine der quaetheit,
als ierst die versceidinghe ghesciet des roomschen rijcs of der roomscher
kerken, so sal die mensche der sonden ondect worden. Dan sal
hi segghen: Ic ben Cristus. Maer nu: Siet, hier es Cristus ende daer in
die steden.
Te blasphemeren. Dat es, dat hi hem aen sal nemen die waerdicheit
des namen gods, ende sal sijn kerke hem nemen.
Ende haer es gegeven strijt etc., die te verwinnene inden lichame,
ende haer es gegeven ghewout over die ghone die niet der
waerheit en hebben gheloeft, ende sullen die loghene ontfanghen ende
hem anbeden.
So wie int ghevanghenisse leidet etc. Die viant ende die beesten
die met haren netten die mensche nu vanghen, die sal sciere metten sinen
wesen ghevanghen.
So wie metten zwaerde etc. So wie die helighe kerke nu lichaemlic
of geestelic inder doot vervolcht, dien sal die heere Jhesus doden metten
zwaerde sijns monts, ende sallen verderven in die verscininghe
sijnre toecomste.
Hier es die verduldicheit etc. Hi heeft ghelovet den dodere te
worden ghedoot, maer want niement en wort ghecroent hi en hebbe
wittelike ghestreden, welc zeghe dan in verduldicheit leghet inden
13:3
13:4 74vb
13:5
13:6
13:7
13:10
B 1330/1 cf. Hand. 8:9-10 1336/7 2 Tess. 2:4 1342/3 Mat. 24:23 1354/6 2 Tess. 2:8 1358/9 2 Tim.
2:5
K 1327/8 hs. anticristi
V 1332 Nieuw commentaardeel bij Apok. 13:3: Et admirata est universa terra post eam (‘Toen liep de hele
wereld het beest vol bewondering achterna’)
P 1327 beesten ghedoot: ten ghedoot is vanwege ruimtegebrek aan het eind van de regel erboven geschreven
en met een lus ingevoegd. 1344 Tussen Te en blasphemeren is tekst uitgewist.