Download pdf - Textualscholarship.nl

400 Het Wiesbadense handschrift folio 74rb-74vb
1300
1304
1308
1312
1316
1320
1324
Want te behoedene die gheboden gods inden ghelove ons heeren Jhesu
Cristi, dat es te vechtene jeghen den drake ende hem te stride verweckene.
Gheloeft si god, die alle die beghinnende bedriechenisse der
wreder draken heeft uutgheworpen.
Dat es, op die veelicheit des onvruchtbaren volcx, dat die wint verworpt
vanden aenghesichte der eerden. Die al die vloede des viants
verslint.
Ende ic sach opclimmen vander zee een beeste die hadde vii
hoofde ende x horen. | Bi welken bediet es dat alinghe lichaem des
viants wassende vanden wolke der quadre. Ende ghi sult weten dat biden
afgronde, daer voren af ghescreven, ende bi deser zee een dinc
betekent es. Ende die drake es een coninc alle den ghonre die inden
water sijn, als David seit, ende wes hoveden in die zee worden tebroken.
Die hadde vii hoofde etc. Hier op vorseide hi den drake draghende
op vii hoofde vii cronen, nu seit hi die beesten hebbende op x hoorne
x cronen. Welc beide een dinc bedieden alse dat lichaem des viants,
welke nu meer lede der onghelovigher princen gheworden sijn.
Dat es, in haren titulen scriven si hem selven toe ghewout in heerliker
name, in welken si god blasphemeren die alleene coninc ende god es.
Ende segghen Cristum niet god te sine, maer een toeverare.
Ende die beeste die ic sach, was ghelijc den diere dat pardus
heet. Welc dier van vele verwen es, ende sijn bi betekent die menich -
foudicheit der onghelovigher; biden bere horer quaetheit ende verwoetheit;
biden leeuwe haer moghentheit ende die *hoverdicheit harer
tonghen.
Ende die drake gaf hem sine crachte. Also als die apostel seght,
sprekende van den lichame des viants: Wes toecomste es nader werkinghe
Sathanas in alder crachte der tekene ende wonder der loghenen
den ghonen die vervaren.
B 1301/2 Ps. 1:4 1309 cf. Ps. 73(74):13-14 1324/6 2 Tess. 2:9
K 1321 hs. hoverdighe; cf. Gryson, 401, r. 22: superbia
12:18
13:1
74va
V 1297 Nieuw commentaardeel bij Apok. 12:17: Qui custodiunt mandata dei et habent testimonium Iesu
(‘hen namelijk die de geboden van God en het getuigenis van Jezus trouw bewaren’) 1301 Nieuw commentaardeel
bij Apok. 12:18: Et stetit super arenam maris (‘En hij bleef staan op het strand van de zee’)
1306 wolke: bedoeld is ‘volk’. In het Middelnederlands worden w en v soms verwisseld (Van Loey 1976,
§ 101). 1307 cf. commentaar bij Apok. 11:7 1311 cf. commentaar bij Apok. 12:3 1315 Nieuw
commentaardeel bij Apok. 13:1: Et super capita eius nomina blasphemiae (‘en op zijn koppen stonden
godslasterlijke namen’)
P 1298 Na es is een d doorgestreept. 1313 Na lichaem is een e doorgestreept.
13:2