Download pdf - Textualscholarship.nl

1268
1272
1276
1280
1284
1288
1292
1296
26 Beda, Expositio Apocalypseos 399
Die helighe kerke, *onderscoert metten ii testamenten, vliende metter
begaerten harer herten die menichfuldighe venine der werelt, soekende
die eenicheit des vreden des ghesaten gheests, sinct aldus haer vervroude:
Sich, ic hebbe mi ververret vliende, ende bleef inden ootmoede,
verbeidende den ghonen die mi behouden heeft ghemaect vander
cleynmoedicheit des gheests ende vanden tempeeste. Bider hogher
vluchten ende dat scerpe ghesichte des arens es te verstane dat opverhaven
ghemoede der heligher kerken, verclaert in godliker wijsheit, in
welken si god in reinre herten scouwet, wes joghet vernieuwet sal worden
als der aren tot allen uren.
Daer si ghevoet worden soude[n] eenen tijt ende twee tide
ende ½ tijt vanden aensichte des serpens. Dat sijn iii½ jaer, oft al
die tijt der heliger kerken. Oft alse die helighe | kerke ghedruct wort in
groter persecucien, so sal si vlien in die woestine harer herten, in enicheden
verborghen vander werelt, daer si ghevoet sal worden inder heligher
scriften ende vander godliker ingheestinghe.
Ende dat serpent sende uut sinen monde nader vrouwen een
water als een vloet. Biden welken te verstane es die stormen der
vervolghenre die si ontfanghen hebben vander uutblasinghe des drakens.
Ende die eerde halp der vrouwen. Die eerde, dat es die helighe licham
ons heeren Jhesu Cristi, verslant anden cruce den tijtliken doot,
dat hi ooc den sinen gheleert heeft na te doene. Oft bider aerden machmen
verstaen die helighe kerke, overmids des ende wes vermaninghe
ende ghebeden die laghen des viants worden verscuwet.
Ende die drake es vertoornt jeghen der vrouwen. Die drake,
siende datti niet en mochte stedigen sine persecucie, si en werden vanden
monde der heligher eerden afghekeert, so heeft hi hem meer ghewapent
aen te stane sijnre verborghenre quaetheit. Want hi dat allin -
ghe lichame der heligher kerken niet verwinnen en can, so pijnt hise te
vervolghene in haren leden.
B 1268 cf. 1 Petr. 3:4 1269 Ps. 54(55):8-9 1274 cf. Mat. 5:8 1274/5 Ps. 102(103):5
12:14
12:15
12:16
12:17
74rb
K 1266 Hs. ondersoect. Dit moet een kopiistenfout zijn, want alleen onderscoert (‘ondersteund’) heeft zin.
Cf. Gryson, 397, r. 53: fulta, part. perf. van fulcio (‘ondersteunen’).
V 1266 Nieuw commentaardeel bij Apok. 12:14: Et data sunt mulieri duae alae aquilae magnae, ut volaret
in solitudinem (‘Maar aan de vrouw werden de twee vleugels van de grote adelaar gegeven, om naar de
woestijn te vliegen’) 1294/5 allinghe (alinge): ‘geheel en al, volkomen’
P 1274 in: gecorrigeerd uit een door een majuskel I over de twee e’s te schrijven.