Download pdf - Textualscholarship.nl

396 Het Wiesbadense handschrift folio 73rb-73vb
1176
1180
1184
1188
1192
1196
1200
1204
jeghen die heilighe kerke met der eerdscher moeder eerdscher mo -
ghent heit. Want inden vii *hoofden sijn beteikent alle sine coninghen,
ende in die x horne alle hare riken.
Ende sijn stert tooch na hem etc. Text. Die stert dat sijn blinde bedriechnisse,
met welken si haer onreinicheit bedecken dat si niet en
schijnt. Met welker verblintheit hi die sterren noemet dat sijn die onghelovighe,
die ooc scinen die heilighe kerke te verlichtene, trect inder
aerden, dat es in allen eerdschen leven. Of ooc machmen daer bi verstaen
die enghele der duusternissen, die vanden hemel der ewigher glorien
ghevallen sijn. Een leeraer heet Thyconius, so waer in desen boec
iii deele gheroert sijn, dat bediet hi aldus: so wat derdendeel ghevallen
es als hier die sterren, daer neemt hi bi die valsche broeders; dat ander
derdendeel, die helighe kerke; ende dat derde derdendeel, haer uutwendighe
viande.
Ende die drake stont voor die vrouwe. Die drake, coene op sine
vorseide cracht, niet ontsiende es arbeidende jeghen die helighe kerke
te dodene dat ghelove Cristi inden herten der ghelovigher; dat die helighe
kerke ghewonnen heeft rovende, om dat si wiken soude. Welke
figure in Herodes ghesciede, inder gheboorten ons heeren Jhesu Cristi,
die welke als inwendich viant, op dat hi den heere mochte doden,
hem veinsde hem willen aen te *bedene.
Ende si ghewan eenen sone die een man was, die regeren soude
alle heidene in eere yseriner roeden. Die helighe kerke, als si es
ten drake wederstridende, ghebaert si altoos Cristum. Den mans name
heet si den verwinre des viants, want hi die vrouwe verwan. Want wie
es zone inden name, dan die mans name Cristus.
Die regeren sal alle die heidene in eenre yseriner roeden, | in
onbuuchsamer gherechticheit regiert hi die goede ende hi sal tebreken
die quade, welc ooc den verwinnenden hier voren ghelooft es.
Ende haer sone wert ghetrect tot gode ende tot sinen trone.
Daer om en mach die quaetheit niet bevanghen Cristum, geestelike geboren
inder herten der hoeraren, want hi een metten vader regneert inden
hemele, die ons ooc weder verwect heeft, ende doen ons mede sit-
B 1205/7 cf. Ef. 2:6
12:4
12:5
73va
K 1175 hoofden: hs. hooftsonden; Gryson, 389, r. 44: in septem enim capitibus 1194 aen te bedene: hs. beteren:
bedoeld is ‘te aanbidden’. Cf. Gryson, 389, r. 59: adorare.
V 1174 moeder: betekenis onduidelijk, mogelijk corrupt woord; eerdscher moeder zou de vertaling moeten
zijn van potentia. 1205 hoeraren: spellingvariant van horere: ‘luisteraars’ (cf. 1661); cf. Gryson, 391, r.
69: auditorum