Download pdf - Textualscholarship.nl

1136
1140
1144
1148
1152
1156
1160
1164
1168
1172
26 Beda, Expositio Apocalypseos 395
met eenen verborghenen cleede. Ende inder arken was dat hemelsche
broot in reinen goude, maer nu inder heligher kerken, die es dat tempel
des levende gods wies wandelinghe inden hemel es, so wordet alder
werelt ghecondicht die invleeschinghe ons liefs heeren Jhesu Cristi,
overmids wies bloet dat zeil des ouden tempels van midden der
mure ghescoort es. Want ghelike dat hemelsce broot inden suveren
goude, also es die godheit in sinen heilighen lichame.
Ende het ghescieden blixeme etc. Dit sijn alle die dogeden der mi -
ra culen ende der stride der heiligher kerken. |
Ende een groot teikijn openbaerdem inden hemel: een vrouwe
ghecleet metter sonnen, ende die mane onder hare voeten.
Ende welc teken nu openbaert inder heiligher kerken, des heeren te
wordene uten mensche.
Ende eene vrouwe etc. Die helighe kerke, begordt inden lichte Cristi,
vertreedt die tijtlike glorie. Ende het sal opgaen in sinen daghen
gherechticheit ende volheit des vreden, totdat wech worde ghedaen of
ghedoot die mane. Dat es, die volheit des vreden sal also seere wassen
ende also groot worden, tot dat si af sal nemen alle wandelbaricheit der
sterflicheit, alse die leste viant, die doot, sal worden vernielt. Of: want
die helighe kerke eensdeels in desen hemel Cristo der zonnen ghebruuct,
ende eensdeels inden lichame pelegrim is vanden heere; ende
hier machmen verstaen dat in Cantica staet: Sine slinkerhant es onder
mijn hooft ende sijn rechterhant sal mi ommehelsen.
Ende op haren hovede een crone van xii sterren. Dat es, verchiert
inden ghetale der xii apostolen of den xii articulen des ghelove
ende der lere ons heren Jhesu Cristi, die haer hooft es.
Ende inden licham etc. Gheestelike die helighe kerke: diese weder
ghebaert, die ghebaert si ooc; diese ghewonnen heeft, en laet si niet af
anderwarf te ghebarene. Also si seit: Mine kinderkine, die ic anderwarve
ghebare totdat Cristus in u ghevormet worde.
Ende si wert ghepijnt etc. Also als ons heere seghet inden ewangelio:
Een vrouwe als si ghebaert, so heeft si droefheit, want hare stonde
es ghecomen; maer als si een kint ghewonnen heeft, te hant en ghe dinct
si niet der zeericheit. Welc onse heere sinen jongheren bediedt sprekende:
Ende ghi | hebt nu zware droefheit, maer anderwerven sal ic u
sien ende u herte sal verbliden.
Ende het wert ghesien een ander tekijn inden hemel, ende sich,
een groot drake. Die viant, van verwoetheden bloedich, ghewapent
73ra
12:1
12:2
12:3
73rb
B 1137/8 cf. 2 Kor. 6:16; Fil. 3:20 1139 cf. Ef. 2:14 1140/1 cf. Hebr. 9:4 1150/2 Ps. 71(72):7 1154
cf. 1 Kor. 15:26 1157/8 Hoogl. 2:6; 8:3 1164/5 Gal. 4:19 1166/9 Joh. 16:21 1170/1 Joh. 16:22