Download pdf - Textualscholarship.nl

392 Het Wiesbadense handschrift folio 71vb-72va
1032
1036
1040
1044
1048
1052
1056
1060
1064
Omghecleet met zacken, dat es penitencie predikende ende dat inden
werken bewisende.
Dit sijn twee oliveboeme ende ii candelaren etc. Dat es, dese
verlichten vanden lichte der ii testamente staen altoos bereet ten ghebode
ons heeren, lichtende die andre. Ende die prophete Zacharias
sach eenen zevenformeghen candelare, ende dese ii olive oly ghietende
inden candelare. Dats te verstane dat overmids der leere der twee
testamente die heliche kerke | voldurich altoos inden lichte blivet.
So wie der heiligher kerken deert, die quetsinghe sal weder op hem selven
keren ende sal inden oordeele inden viere verdoomt worden. Ende
alle die ghene die zwaert aenvaen, die sullen metten zwaerde vervaren.
Dese hebben ghewout te sluten den hemel. Dat es die helighe
scrifte daer die verborghentheit in es, want sine sullen niet predeken
dan in bequamer tijt.
Ende hebben ghewout over die watre, dat es haer lee ringhe. Dat
afdwaen de watre sijn, sullen worden bekeert in bloede, dat es, in zonden
inden ghenen die onghelovich sijn. Want van dien heilighen es
uutgaende een soete roke Cristi. Den eenen een roke des doots inden
doot, ende den anderen een roke des levens inden leven.
In welken openbaer te verstane es, dat dese dinghen al ghescien sullen
voor der lester persecucien, dat gheopenbaert sal worden die beeste die
uutgaen sal uten herten der quader. Want in dier tijt dat die wedersaker
blict in sinen loghenachtighen teekene, so sal die heilighe kerke scinen
of si ontset ware van alder ghenaden der dogheden, want voor sijn
aenschijn sal coemen een hongher.
Ende die beeste salse verwinnen ende doden, dat es, overgaen met
sijnre donkere subtijlheit inden oghen der ghoonre die hem consenteren,
overmids welker ghewout hise sal doden.
Dat es stom ende duuster, noch hebbende dat licht des gheloven, noch
stemme der belyinghe. Dese ii provincien in eenen teekene der gheesteliker
pinen, so sijn si gheslaghen materiliker met desen plaghe, dat es,
inden verterenden viere ende den watere in | bloede verwandelt. Ende
alle die sienlike teekene des ouden testaments hebben een figure gheweest
der gheesteliker teekene des nieuwen testaments tot int einde.
11:4
72ra
11:5
11:6
11:7
11:8
72rb
B 1036/8 cf. Zach. 4:2-3 1042 Mat. 26:52 1049/50 cf. 2 Kor. 2:16 1053/4 cf. 2 Tess. 2:9 1055/6 cf.
Job 41:13
V 1040 Nieuw commentaardeel bij Apok. 11:5: Et si quis eos voluerit nocere, ignis exiet de ore illorum et
devorabit inimicos eorum (‘Als iemand hun kwaad wil doen, komt er vuur uit hun mond om hun vijanden
te verteren’) 1051 Nieuw commentaardeel bij Apok. 11:7: Et cum finierint testimonium suum, bestia
quae ascendit de abysso faciet adversus illos bellum (‘Maar als zij hun getuigenis hebben voleindigd,
zal het Beest dat uit de afgrond opstijgt, oorlog met hen voeren’) 1060 Nieuw commentaardeel bij
Apok. 11:8: Quae vocatur spiritualiter Sodoma et Aegyptus (‘die zinnebeeldig Sodom en Egypte heet’)