Download pdf - Textualscholarship.nl

1000
1004
1008
1012
1016
1020
1024
1028
26 Beda, Expositio Apocalypseos 391
ke dat boec of ontfanghen heeft te prekene. Welc men ooc verstaen
mach also alst in sinte Jan ghesciede. Ende ooc mach ment verstaen
vanden enghel daer voer desen capitel af gheroert es, daer die helighe
kerke als si nu verwonnen heeft, toe sal gaen ende ontfanghen een boec
overmids hem ghescreven, van gode vervollet ende den ghelovighen
ghecondighet vander werkinghen ons heeren Jhesu Cristi, ende dat
noch den heidenen anderwerven predekende. Welc boec of godlike
leeringhe sal der menscheliker crancheit bitter wesen om des arbeits
wille ende der persecucien, maer die siele die sel ghewaellusticht worden
ende meer inder minnen bernende, als si ghesmaect de soeticheit
des godliken woords.
Ende mi wert ghegeven een halme gelijc eenre roeden. Dat es
die helighe scrifte ende die ewangelien metten halmen ghescreven.
Want | [want] inden ewangelio so vint men hoe vele een ieghelic vordert,
hoe vele godlike regulen overeen draghen.
Stant op ende met etc. Text. Dat es recht die oppe{...} te predekene
ende te ordinerene die helighe kerke, hoe men den vader aenbeden sal
inden gheeste ende inder waerheit in Cristo, dat der zielen inwendich
outaer es.
Dat vrijthout dat butenden tempel es, dat sijn die valsche kerstine
die hem veinsen die helighe kerke te sine, maer inden werken so wederspreken
sijt; die worpt uut ende neemter niet, ontreckende hem die
predekinghe.
Want het es ghegheven den heidenen etc. Dat es si sijn ghelijc
worden den heidenen in sondeliken leven. Want alle die glorie der
dochteren des coninx es van binnen.
Ende si sellen die heilighe stat vertreden xlii maenden. Dat es
dat si niet alleene vander heligher kerken worden ghesondert of ghe -
sceiden, maer si sellen die heilighe kerke met haren ghesellen, den heidenen,
aenvechten ende vertreden, vierdalf jaer inder tijt Anticristi.
Ende ic sal geven etc. Text. Welke men verstaen mach in Enoc ende
Elyas, oft in ii anderen dies ghelike, of die helighe kerke vergadert van
tween volken, datmen al verstaen mach nader lettere.
B 1023/4 Ps. 44(45):14
11:1
11:2
11:3
71vb
K 1014 Het woord oppe wordt gevolgd door een open ruimte, waar een (deel van een) woord in zou passen:
oppe
V 1018 vrijthout: niet in MNW; wellicht bedoelde de kopiist vrijthove (Lat. atrium) te schrijven.
P 1012/3 vordert: hs. voordert, waarbij de tweede o werd geëxpungeerd. 1014 Tussen oppe en te is enige
ruimte opengelaten, die met een golvende pennenstreek is opgevuld. 1017 Na outaer es is enige
ruimte opengelaten. 1022 Na etc. is Sijn doorgestreept.